#NSS家庭
[Guest] 我阿爸成日喺度食煙，佢同我住同一間房，因為其他屋企人(公公婆婆)唔比佢食煙，佢就關門喺間房食叫我唔好同人哋講，由我四歲食到十二歲，我日日都要忍受佢啲二手煙，而家連我啲杉都係佢啲煙味，同學聞到仲問我係咪食煙。仲要開大個窗比曬啲蚊入嚟，搞到成晩瞓唔著。
我用過啲八達通app掃佢嗰張八達通，差唔多 每日 都有一兩次-$60(一包煙六十蚊)，即係代表佢每日差唔多食20-30支煙，之前會為佢擔心佢健康，不過佢好似完全唔care佢自己嘅健康，而家我淨係想唔好再吸佢啲二手煙，乜煙有乜嘢咁吸引呀
其實由幼稚園開始教啲咩食煙禍害，我已經有平心靜氣咁叫佢唔好食煙，佢之前就隨便答我兩句，而家就直接無視我，仲愈食愈多，我唔想再繼續忍受，諗過直接當面diu佢或者開門比其他人知佢食煙(不過驚有反效果
請問大家有冇解決方法建議下？多謝大家