#NSS個人
[GUEST] Admin po ig pls🙏🏻
我覺得我嘅壓力係冇原因咁壓過嚟，我真係好攰，好想真正唞吓。
第一，我成日覺得自己幫唔到人，雖然人哋一直同我講：「冇呀，你肯在意我，我已經好開心。」但我都係有種停止唔到自責感。有陣時冇去特別諗佢，但生活中嘅各種社交活動都會唔自覺咁勾起咗呢種愧疚感。
同埋我覺得我俾到好大嘅壓力人，明明知道我嘅friend都有自己嘅生活，唔會24小時幫到我、開解到我，但我都係會去同佢哋講我自己嘅心事。我其實都清楚我嘅壓力同抑鬱嘅諗法只係短暫嘅，其實冷靜一吓就會冇咗，只不過係我嘅傾訴欲好強。因為呢點，我覺得除咗將自己嘅壓力過俾人之餘，又累到個friend多樣嘢煩。然而我自己一個嘅時候，想放棄嘅念頭又越嚟越重（不過冇失眠或者食慾不振嘅癥狀），想請問吓大家我係咪需要去睇吓醫生？😢係咪需要遠離一吓班friend？