#NSS個人
[guest] 小妹今年17下年就中學grad
講下男朋友先啦 有個同年拍左兩年嘅男朋友 一直都對我好好 我地依家係住附近嘅 隔離屋苑嗰種
如無意外行到最後嘅都會想係佢 而佢都一直對我好堅定（佢係嗰種好受女仔歡迎嘅類型）而細細個f2乜都唔知喺埋一齊過一陣就分開左 之後又一齊返 可能因為過左兩年佢思想成熟左咁啦 呢個唔係main point
細個就係跟住爸爸同阿姨 仲有同父異母嘅家姐阿哥住 佢地大我六七年 而且佢地好憎我⋯ 但係過左幾年阿姨因為意外而走左 然後就一直跟住爸爸搬出去住 雖然係私人樓但係就得一間房 （根本就係外表好好實際上劏房咁嘅feel）成日覺得冇自己嘅私人空間 而且自己真係唔鍾意呢種同爸爸兩個人成日鬧交嘅感覺⋯而我亦都因為早兩年壓力太大而有左抑鬱症
小妹因為自己屋企嘅原因 心入面一直好想喺畢業後就可以搬出黎自己住 但係我當然想讀完大學先出黎做嘢返ft搵錢
我自己嘅想法係 可以中學grad之後一邊返pt一邊返學（大學學費方面爸爸仲負擔到所以冇嘢）然後可以同男朋友搬出黎同居一齊住 養返一隻屬於我地嘅貓 但唔知男朋友會唔會願意搬出黎同我住 而且如果嗰個時候租屋住 應該搵返私人樓定係邊種？ 我如果同男朋友兩個一齊返pt夠唔夠俾租 而我呢種諗法係咪太幼稚？