#NSS個人
[GUEST] 如果可以嘅話，希望post喺ig🙏🏻
辛苦曬 admins🙏🏻
可能有啲長(？
sor for 1999🙇🏻♀️
希望大家俾下意見🙏🏻🙏🏻
小妹今年中三，喺中一嗰陣識咗A同埋其他幾個女仔，之後都一齊玩咗一年度，但係我哋都唔算好熟， 最近呢兩年我哋出去玩同食飯都冇同A一齊嘅。本來我因為忍受唔住佢啲行為同性格，再加上分班，所以我以為可以慢慢淡咗。但係最近我哋幾個出去玩，佢又同我啲朋友講話想一齊去(佢同我其中幾個朋友都幾friend 因為佢哋同班 而我就係另外一班)。我真係接受唔到再同佢出去，所以就拒絕咗、叫佢地幾個同A去啦， 佢哋又話唔好、要同我去、拒絕咗A， 跟住仲令A知道咗係因為我所以佢先至冇得去，仲叫我啲朋友問我點樣先可以重新一齊玩…… 所以我而家唔知原唔原諒佢好。
以下係佢對我做過嘅事(點解唔想同佢做朋友嘅原因):
1. 有一次佢手踭撞跌我杯阿華田，成杯嘢倒咗落我條褲同個袋上面。佢唔單止連道歉都冇，仲一路笑、一路影我相post上ig story，其他人都有攞紙巾，一齊幫我抹，而佢仲不斷笑，最後成件事就咁不了了之。不過我個袋啲漬洗唔甩，佢每次見到都喺度笑。
2. 我中一嗰陣最鍾意飲忌廉(汽水)，喺度飲忌廉嗰陣， A不斷笑、跟住話我喺度飲urine(尿)， 我都明白隻色係有啲似同埋佢可能只係講下笑咁啫，但係佢之後每一次都係咁講， 慢慢我就開始笑唔出，其實講一次兩次都冇問題， 但係不斷畀人咁樣講都會有少少唔舒服。 從此之後我就唔再飲忌廉。
3. 中一上堂嗰陣同一組，跟住A係咁偷同收埋我同另一個friend 擺喺枱上面啲文具，我想攞返，老師又咁啱行埋嚟，搞到我比老師鬧。
4. 我同A同另外三個朋友去其中一個朋友屋企玩， 有人提議玩switch，得四個手柄，A直接就攞 曬四個一個畀自己，其他畀另外嗰三個朋友， 之後佢哋就係自己四個喺度玩，我惟有坐埋一邊睇電話， 我途中有問過其他朋友可唔可以畀我玩一陣 結果玩咗一鋪之後，A就話我技術太差，搶咗我個手柄畀番嗰個朋友……
5. A成日喺度笑人同幫人改啲好負面(？同核突(？嘅花名，例如:x嬸(姓岑)、老婆餅(塊面好圓同埋有好多暗瘡)、大面(塊面好大)， 入面其中一個花名係我既。仲要成日都係咁用呢個名叫人同喺班房入面勁大聲嗌，搞到我哋勁尷尬。 其實我都知佢係講笑嘅啫，但係咁樣畀人嗌，個心真係好唔舒服。
我究竟應唔應該原諒佢？但係我驚呢啲事又會再一次發生，甚至變本加厲。 佢成日覺得自己做啲嘢好好笑、好好玩，我真係唔想再忍佢，同埋忘記唔到佢對我做過嘅嘢，見親佢都好想一拳打落去。但我好驚啲friend唔要我、畀A搶走(？， 到時我又變返自己一個人。而家啲朋友對我好好，我好愛佢哋，真係唔想冇咗佢哋。 再加上A而家都有一個新嘅朋友，所以我哋唔同佢玩都冇所謂(？ 我係咪應該為咗繼續同我啲朋友一齊，而原諒佢？？最後唔知點解佢好似特別針對我、笑我咁， 對我其他朋友好似好好咁，對我就特別mean，我憑良心講冇做過任何對佢唔住既事。
多謝所有肯俾意見既人~❤
9/4/2021 16:36