#NSS學校
[spss/舊生] 首先願亡者安息，希望去咗極樂世界嘅佢哋終於可以光明正大咁一齊，開開心心。
由於小妹已移民，並非於該校就讀所以唔可以對校方嘅處理手法作任何評論，但係係呢件事發生之前已經對呢對小情侶略有所聞，大概係父母並唔睇好關係甚至希望兩位師妹分開所以向校方求助。
係stpaul小學+中學都讀咗10年，係我以前仲讀緊嘅時候就已經知道呢間學校其實好落後，相比起注重學生嘅福祉佢哋更加注重傳統嘅傳承同埋校譽；例如聖誕節嘅露天操場彌撒，係畢業禮希望各位畢業生大個會成為賢良淑德嘅妻子，last day影相報警，禁止學生於上堂時間保管任何電子產品，違反規矩/做錯事就要寫悔過書等等不能盡錄，務求學生營造一份淑女，溫柔體貼入得廚房出得廳堂嘅氣質。而作為一間天主教學校校方態度並唔支持異性戀應該嘅關係(其實異性戀都唔支持佢想我哋做修女)，望校方值呢次嘅噩耗能深切反省究竟係傳承仲要抑或學生嘅健康仲要，因為冇學生就無人會傳承，況且傳承嘅應該係一份精神，並非行為。而家麻木咁要求學生做返50年前我呀媽係度讀嘅時候已經做緊嘅嘢意義其實真係冇乜。
其次係學校嘅安排，不嬲都係用開激進法，今次已經唔係第一次有學生自殺，於2009年已經有一位，亦都有聽聞過自殺不遂嘅學生。考試時間表擠逼，學校老師係編排測驗亦冇溝通好，淨係識得卸膊話「我Mark咗呢日先㗎喎你同嗰科老師講啦」結果導致一日兩科甚至三科嘅測驗，講唔同嘅嘢打擊自信心「你哋搵定asso課程啦你哋唔會入大學㗎喇」等等。我明係香港讀書係辛苦，係制度問題唔係學校問題，但至少可以編排好些少令學生舒服啲壓力細啲，亦冇必要講discouraging嘅說話比學生聽務求令到學生係高壓嘅環境下學習。
最後希望大家可以多多包容對異性戀以外嘅性取向尤其係家長嘅一輩，愛邊個性別並唔重要，重要嘅愛緊邊個。個女/個仔唔係因為對方有某個性器官所以心動，而係因為對對方嘅性格，特質等等所以希望發展，如若真係為仔女好就同佢哋傾吓instead of 拆散。
各位paulinians保重。
sor for 文筆差+錯字if there’s any