#NSS其他
[GUEST] 呢排見到有好多post都係講投稿者想自殺或者抑鬱咁樣，我只係想對佢哋講一聲 一定要堅持落去。
我都係過來人，我都試過遇到一啲好無助嘅事情，身邊冇人幫到我，屋企人唔得，朋友唔得，老師都唔得，嗰陣時覺得好無助甚至有傷害自己嘅念頭。
但係有一日瞓覺前我喺度諗，我好似有好多嘢未做，我想做嘅有好多都未完成，正所謂希望在明天，只要撐過去就會恢復返平時咁樣。
最後我只係想同一啲而家過得好辛苦或者情緒好低落嘅人講，你一定要撐落去，身邊嘅人已經幫唔到你，如果連你自己都唔幫你自己，連你自己都唔相信你自己嘅話，咁就真係唔得。
記住要撐落去呀！