#NSS個人
[GUEST] 篇幅可能會有少少長同負面，慎入
最近過得幾辛苦下，先講講我小小個人背景啦
由細到大，都係一個好冇安全感嘅人。
你話係咪父母唔愛我？又唔係嘅，同其他朋友比，其實己經好好，有啲咩想要嘅都會滿足到，但係有時望住其他人嘅屋企，唔知點解有啲羡慕。
好似有啲扯遠咗添，返返嚟先。可能因為缺安全感，唔會信任到人，再加上自己對情感嘅感覺好強下，每次有負面嘅情緒都會好辛苦。
唔係冇諗過搵身邊嘅人傾下，而係做唔到，每次想講都好似有嘢卡喺喉嚨，咁耐以嚟只係搵過一個唔會問太多嘅朋友傾過
呢一排可能因為考試？壓力太大，然後一直積喺心嘅負能力一次過爆晒出嚟。唔小心喺阿媽面前崩咗，但係喺佢眼中我就好似精神病咁，話搞到佢好hurt。之後嗰兩個禮拜就更加崩，腦裏面係咁重覆話自己只係垃圾、廢物，所有人都係一樣，冇人會理你。到最後有friend關心，反而唔識面對。
喺呢段時間，有自殺嘅諗法，但係冇一次落到手，只係因為喺最後一刻諗到身邊嘅人會好傷心。其實都唔係第一次，只係今次更加強烈。我發覺自己有啲問題，於是試下一啲網上輔導，睇下可唔可以舒緩到，但係傾到一半就好驚，於是quit咗。
喺呢度想問下大家有冇類似經歷？如果有嘅到最後係點解決？因為唔想繼續咁落去，成個人冇晒動力，乜都做唔好嘅感覺好討厭，亦都唔想其他擔心
第一次投稿，sorry for 1999
Admin都辛苦了，多謝大家睇到落嚟，會慢慢睇comment，希望可以po到出嚟啦