我同佢係朋友，識咗5年，唔算話勁熟，我哋係因為成班Friend玩先識嘅，而我哋WhatsApp嘅傾計不外乎係功課、功課同埋功課。咁佢好似有少少鐘意我，係好似呀，係好似呀，係好似呀，先講我嗰樣喺班Friend裏面唔算係靚嘅一班，只係唔算醜樣同普通，而且班Friend裏面有啲比我更加好嘅，佢要揀都唔會揀我先啩，所以我透過舉啲事例，想去問下大家睇下係咪我諗多咗，如果係嘅話，咁都正常嘅，但如果唔係嘅話…真心咩？我要啲時間冷靜 😅🙏🏻
事例：
1.之前聖誕節嗰陣順便喺zoom慶祝佢生日，所以我就代班Friend問佢要咩禮物，咁佢就同我講話佢要我啦(應該係講笑 😅)，然後我就叫佢認真啲，之後佢就同我話佢想要個另一半，再之後我同佢話我幫唔到佢揾另一半，佢先至話要個模型做禮物。
2.佢WhatsApp動態度就send咗嗰啲無聊問卷，咩「睇下你了唔了解我啦」，咁啱我睇到嗰陣，我就做緊嘢，咁我就諗住遲啲做啦，然後想揾番個動態發覺佢原來已經Deleted咗，於是我就問佢攞番個Link去玩問卷。
後來我同個Friend(阿A)講起呢樣事，阿A話佢可能淨係想畀某個人(唔係我)睇，而份問卷好似到而家都係淨係得我做過(冇記錯嘅話)，如無意外應該係因為佢想畀嘅某人冇問佢攞Link，而其他人都冇問佢去攞Link做問卷，所以到最後都係得我做過份問卷。
3.另外，佢對我嘅印象係「低低能能」同「智障」，照計有咁多正常人，都唔會選擇鐘意一個低低能能嘅人㗎嘛 🤧
補充：佢唔係成日同我傾計㗎(無論係面對面定WhatsApp)，而我就覺得佢係鐘意阿A嘅，因為阿A同佢熟好多，重點係我覺得佢哋都好襯，咁係囉，所以我想問下咁多位屏幕前嘅你「佢有冇丁點兒對我嘅鐘意」，唔該晒咁多位願意冒出嚴寒拎出你哋嘅手指嚟打字答我 🥶🙏🏻
最後利申番多次本人樣貌只係普通，唔算樣衰衰㗎姐嘅一點，如果覺得我講到2999咁，希望大家唔好介意，同埋希望你哋 BE 好心，日行一善答下我啦，Thank you 晒咁多位施主，我對你哋每個人嘅回答都表示衷心感謝㗎，Thank you 晒你哋咁多位 😽🙏🏻