#NSS個人
[GUEST] admin 唔該po ig
Hello，小妹今年中三，其實已經無數次聽過人哋話“我已經唔細”，當然其實我自己都知道我已經唔細，我已經大個已經唔再係小朋友，而家諗返轉頭，覺得細個成日都快啲變大既自己好傻，成日都會回憶返自己既童年回憶，成日都會係度諗我係咪真係要長大，其實升左中學之後就開始驚自己長大，一年又一年咁其實過得好快，一眨眼又過左一年，上到中學之後越來越多嘢要做，就連自己生日，都要啲frd提我，我先會記返起，其實我有啲驚自己真係要成為大人嗰一刻，成日都覺得我要開始變成熟啦，之後就唔會再有長輩講既“佢仲細”，成日都覺得我自己既同班同學個個都好成熟(無知關唔關我讀女校事啦)，但係有陣時我又會係度諗，到底係唔係佢哋真係想變得成熟呢？到底係點解會令佢哋變得咁成熟呢？成日都會覺得其實大家都係比生活所逼既，不得不令自己變得成熟，但係見到朋友佢哋對於成長呢件事都無乜感覺，令我覺得係唔係凈係得我會驚大個呢樣嘢
Sor for 1999