#NSS學業
[GUEST] 是咁嘅，小妹一直都有一個願望。
當年我阿伯阿爸阿叔三兄弟都有出國留學。（必須要由我屋企講起，背景少少重要。）
我阿伯去咗英國，我阿爸去左台灣，我阿叔去左美國。當年，我阿伯同我阿爸成績都差唔多。阿叔就成績好差，中學讀到一半就俾人送咗去美國，因為喺香港讀唔到書。（你冇聽錯，係讀唔到書去外國。）
不過比起我阿伯，我阿爸英文差少少，當年會考英文F左，結果就係台灣讀書。
咁多年之後，我阿叔喺美國返到嚟香港做嘢，條件都幾吃香下，份人工好高。我阿伯唔使講，份人工都好高，不過個人就好揮霍，好鍾意使錢買名牌，個人仲幾賤下，呃我阿嬤錢去買車、買袋氹老婆。
但係我阿爸係台灣翻黎，當年因為屋企發生咗啲事，仲連大學都冇讀完就即刻返咗返嚟。最後係做緊藍領嘅工作，咁當然就好難同另外兩個人比。
咁呢幾年香港變得咁嚴重，比大陸侵佔晒咁滯（我唔詳細講啦，心照）。佢哋兩個本身有外國戶籍嘅，就當然移民咗去外國啦。
剩返我哋一家人喺香港，我阿爸仲堅持話一定要照顧阿嬤，唔可以走。（我其實覺得佢好On9，憑咩要接果兩個人（阿伯、阿叔）嘅爛攤子，佢哋兩個喺外國咁舒服，點解唔接埋我阿嬤返去外國住？根本就係兩個人都唔想照顧一個老人家，先由得佢一個喺香港）
我心諗你係咪要等到香港陸沉，冇得走先肯走？不過，我哋屋企仲冇錢移民……
我係Band1A-1B嘅中學考緊15名到（未好認真讀，今年F5，我覺得我可以再衝高D），一直都好想出國讀書，我覺得出國讀書之後，感覺學歷會值錢啲。
我其實好唔抵得我嗰個堂弟，讀書一啲都唔叻，真係喺香港讀小學嘅時候每一科都唔合格，但又可以去外國讀書。（佢今年小四，我阿伯個仔，去左新加坡）
–
唔知大家可唔可以幫我解吓呢個困惑。
到底係我嘅出國讀書個執念有錯，定係有啲咩方法可以幫我？
或者大家有冇啲咩獎學金啊之類嗰啲嘢可以介紹。
我真係好想出國讀書。
Sor for 1999
Admin plz post IG