#NSS個人
[GUEST] 小妹我覺得自己係食嘢方面真係好有問題😭
我今年升f4，平時如果同朋友或者親戚一齊食飯嘅話，就算本身有幾肚餓會食唔落，一食就會想嘔。但係如果同爹地媽咪係屋企食嘅話就冇事。
舉個例如果我哋屋企買兩個pizza hut嘅普通批，每個切8件嘅話我係會食4件，都算食得多嘢。但如果同其他人一齊食嘅話，我一件pizza淨係咬得一兩啖就食唔落。
我由細到大都係咁，成日一同其他人一齊食嘢就會好緊張，食唔落同嘔，又因為咁成日畀屋企人話。
之前學童身體保健(? 嘅時候都有睇過營養師，大概兩年前開始食飯前開胃藥，都睇到有好轉，有食多咗嘢，但係都係好瘦。身高158但係體重得大概74磅，BMI都一真直唔達標。(唔係想曬命話自己好瘦，只係想畀啲實際嘅數字出嚟，大家可以容易啲嚟解🙏🏻)
有好多人都叫我食多啲嘢。我都想，但係問題係我一食飯就會好緊張，食唔落。搞到我都唔敢同friend約出街一齊食飯，亦都唔想返全日學。如果返全日嘅話就要出去食lunch，我又會好緊張同埋食唔曬一個餐，但係又唔可以唔食，叫咗嘢食淨係食一兩啖就唔想食。
我究竟點先可以大食啲？希望大家可以畀啲意見我🙏🏻🙏🏻🙏🏻🙏🏻 thank you!!!
(+Sorry for 1999
(+Thx admins