#NSS個人
[guest] 小弟我中5，屋企屬於低收入家庭，住公屋，攞綜援，由細到大都冇去過旅行，人地童年有嘅嘢我都冇體驗過。甚至乎係學校嘅交流團，我屋企人都唔會肯俾錢我出去。
我之前都唔覺得窮有咩問題，香港地大把人窮，仲有人冇屋住㖭，我諗咁多做咩？但係我慢慢發現我正係因為窮所以做唔到好多我想做嘅嘢。
低form嘅時候我鍾意打機，見到周圍咁多frd都課金，我都好想課，但係我冇錢。
六年級第一次有自己電話，阿爸用剩嘅，我好想要一部全新電話，但係我冇出聲，因為我冇錢。
嚟到最近，見到香港好多人都走咗，我想移民，我對香港完全冇希望，身邊嘅朋友有錢嘅全部走曬。但係移民對我嚟講根本冇可能，因為我冇錢。
移民嗰d家庭邊個唔係拎住幾百萬幾千萬走，而我屋企，一世都掙唔到咁多。我有同屋企人溝通過，佢地連供我上大學嘅錢都要周圍借，叫我唔好再講呢啲荒謬事。
就係因為窮，我好多事都做唔到。而你地好多人一出世就已經企係我前面，我痛恨呢個社會點解要分三六九等，點解窮人就乜都做唔到。