#NSS家庭
[guest] 阿媽生日，一路整佢張卡，一路煩惱可以寫咩填滿啲空位。最後淨係寫咗happy birthday同 i will always love you上去，但最好笑嘅係我根本唔清楚我同阿媽嘅關係稱唔稱得上愛。
可能因為佢係我小學嘅時候就分開咗住，我好似有啲唔記得咗點同阿媽相處。我地之間基本上零溝通，除咗節日食下飯之外都無點見，一來搵唔到藉口，二來又怕尷尬。學校嘅咩重大決定都好少過問，放手比我決定。自由嘅同時其實都幾大壓力。由細到大屋企人就話我好乖好靜好聽話，又唔扭計學校啲嘢全部自己搞掂，補習都無，不過我一個靚妹又點會真係咁游刃有餘，只係我多數時間都唔講，因為感覺其他人嘅問候都係想確保我無問題，而唔係真係想聽我嘅煩惱咁。
面對咁嘅僵局真係唔知好笑定好喊，老實講就算同阿媽咁唔熟我都無打算要點，反正無得強求，sad啲咁諗佢對我嘅感覺都未必係愛，不過咁諗好似好唔孝順咁。
對唔住我作文唔太掂，以免大家唔知我jm9，所以主旨就係通過上面一連串放負表達遇到啲咁嘅情況真係好x無奈。有無人有類似經歷可以話我知應該點做？定其實我太情緒化諗多咗