#NSS愛情
[GUEST] 咁我係上年嘅時候，就鍾意一個男仔，下稱A。由學期初去到學期尾都一樣咁鍾意佢，但係我一句野都無同佢講過，調位永遠都係坐到勁遠，淨係記得有一次考試隨機調位，佢坐我後邊，我先感覺到我同佢嘅距離原來咁近。佢係我上年返學嘅動力，每一日都好期待見到佢。
今年，我同A唔同班，因為兩個課室喺唔同樓層，所以都好少見到佢，但係當我見佢同其他女仔玩都好埋都有啲唔開心。我為咗佢，特登問人佢去邊間補習社補習，之後自己又報咗個course。
雖然9月第一次上堂嘅時候見唔到佢，但係我就識咗個男仔，下稱B，咁我間學校就係港島，佢嗰間就係九龍。最初去到十二月我哋都係成個陌生人咁，我都完全無視咗佢。但有一日佢突然之間主動同我傾偈，仲要借佢份筆記比我抄考。嗰一下我好似心動咗，平時嘅我冇男仔friend，無一個男仔會主動同我講嘢，佢係第一個。自此我就好期待去補習，之後幾次佢都會主動同我傾計。
咁我返學嘅時候，就感覺我好似冇咁鍾意A，因為我成個腦都係B。但係因為疫情就要上zoom，我冇B電話號碼，亦都冇佢IG，面對住zoom嘅一堆學生編號，我完全唔知邊個係佢。依三個禮拜我冇得見佢，亦都唔可以同佢以網上嘅方式溝通，雖然個腦有時都會諗起佢，但始終對佢嘅感情都會淡咗。
喺呢個時候，我望返上年嘅嘢，突然好懷念上年鍾意A嘅感覺，話哂佢係我第一個鍾意嘅人。我而家都唔知我想點，日日都好迷茫……
有冇人可以比啲意見小妹呀?(ó﹏ò｡)