#NSS學校
[GUEST] Hello 我係 #NSS210917A 嘅樓主，因為最近又係呢件事，想問問大家有咩方法解決🥲🥲🥲
之後我有同我朋友講，我個朋友就表示有叫個插班生搵其他大陸嚟嘅同學玩，但就都係咁痴住佢，仲話同學之間傾計好正常….
之後，因為之前我有同個插班生交換左聯絡，所以我將呢件事同講左比佢聽，大概都係講左咩希望唔好咁痴住我個朋友同因為我哋慣咗2個人相處等等，但之後佢覆我：咁樣只會令你朋友識唔到朋友。我？？？我完全冇講過唔比你哋做frd，只係唔想你痴住佢😅仲有你自己係班度都有其他大陸frd，無謂痴住一個香港人日日講普通話😅
講完之後嘅日子，佢照舊都係咁痴住我個frd，仲日日上堂轉身去後面同我個frd傾得勁開心，有時轉堂去其他課室嘅時候都係企喺我個frd隔離….之後唔知點解我個frd就對我好冷漠，對個插班生就好熱情，我試過同我個frd當面講：你同佢講得咁開心咪搵佢做你死黨囉，之後佢就話我發咩脾氣。我認我係呷醋同佔有慾有啲強，但除咗和平解決我真係諗唔到其他方法…