#NSS社會
[Guest] 長文慎入
講明先我覺得自己係半個鏡粉
我鍾意佢聽佢哋嘅歌同埋睇綜藝電視劇
冇去過event
唔知佢哋生日
Ok 開始！
我想問吓大家對於mirror 嘅睇法
會選擇喺呢個透過平台度問大家呢個問題
係因為我覺得會比較公正少少
因為平時我淨係會見到粉絲同埋haters
兩邊嘅想法都比較極端
想知道一般人或者對佢哋無感嘅人嘅想法係如何
所以有幾條問題想問大家
第一
我之前見好多我認為係haters嘅人話
「周街都見到mirror 好煩可唔可以放過香港人」
想問究竟大家係點諗嘅
先講我自己嘅想法
因為我自己真係一名宅女
真係除咗返學之外好少出街
亦都好少去啲尖沙咀呢啲多人嘅地方
所以我唔係好覺周街都係mirror
就算出去尖沙咀都好都唔覺好多
而且我認為除非你一開始就憎嗰個人
如果唔係否則就算周街見到佢都唔會覺得好煩
只係會覺得「嘩原來佢哋而家真係有咁多人鍾意」之類
第二
「mirror 唔靚仔乸型」
唔靚仔嘅言論我覺得唔算嘿彈
但話佢哋「乸型🤢」嗰啲應該真係Hayden
無論如何都好我覺得佢哋確實唔算靚仔
(在於我嘅審美觀)
我自己比較鍾意韓國嗰啲
亦即係某啲人所講嘅油頭粉面乸型
我覺得佢哋其實都唔錯
特別有幾個我覺得係真係幾靚仔
當然我認為每個人嘅審美觀都唔一樣啦
所以我唔會強加我嘅審美觀落人哋度
但係有時咁樣喺度批評人哋嘅外貌
我覺得確實唔係咁好
所以嗰啲講「乸型🤢」嘅人我覺得佢哋唔係好尊重人
想知道大家嘅想法
第三
「佢哋實力唔好」
我會想知道更多人嘅想法
但係知道大家想法之前都想提供一啲資料俾大家
同埋分享我嘅意見
俾大家可以再知道多啲先去批評
我覺得佢哋又全民做星數人到而家都只係過咗三年
喺同時有工作嘅情況之下
我覺得佢哋進步已經好多
當然唔係話佢哋而家係最好
佢哋可以繼續努力
有好大嘅進步空間
大家支持佢哋固然係好啦
會令到佢哋更加有動力
但係就算批評都係動力嘅一種
我都相信佢哋有能力去消化呢啲批評
而唔係受到傷害
雖然咁講法好似有啲奇怪
但我希望大家批評唔係真係純粹為咗踩一個人
好難講踩嘅定義
但我諗大部份人都feel 到邊啲係尊重邊啲係唔尊重
第四
「代言藍店」
呢樣冇得坳
有啲粉絲話佢哋係賺藍養黃喎
睇到真係好無語
跟住分享吓我嘅諗法
我覺得佢哋作為藝人呢賺錢係好理所當然嘅事嚟嘅
但係當然每個人對於賺錢嘅底線都唔同啦
有啲人覺得就算賺錢都好
都唔應該去代言藍店
但我自己個底線可能比較低啦
我覺得只要佢哋一日唔公開發言話自己支持政府
我就會繼續支持佢哋
我都真係好好奇大家嘅諗法係點諗
第五
「粉絲玻璃心」
唔單單係mirror
我自己關注韓團都係咁諗
唔好以偏概全
一定會有理智粉
其實我覺得自己都幾玻璃心
每次聽到佢哋俾人話樣衰乸型呢啲就一定嬲㗎喇
但其他啲好直接咁話佢哋唱歌唔好聽實力唔好嗰啲都會心情唔好有啲嬲
但係其實我自己都知道唔可以咁玻璃心
因為第一人哋有權去講自己嘅意見
同埋就算佢直接咁講出嚟
其實佢都有尊重人
所以我都盡量理性
令到自己唔好咁玻璃心
所以今次投稿其實都預咗好多人會批評佢地
而我見到實心情唔好
但都想訓練下自己
因為我鍾意嘅藝人冇可能永遠被所有人鍾意
甚至被人討厭
我都要去學識接受
所以呢個投稿可以話係訓練一下我嘅情商
所以大家盡情就表示意見啦
Sor for 1999