#NSS學校
[GUEST] 我今年中四，中一嗰陣識咗個同學，嗰時幾啱傾。去到中二唔知點解佢個人變晒，變到好宅女。有次考完試諗住同佢去食下飯出去玩咁，佢答：「有咩好玩姐 又冇嘢買 不如喺屋企嘆冷氣食飯好過啦」其實計計埋埋有六七次都係咁講， btw當時我唔覺得有咩出奇，咁咪算 就約其他人去。去到中三嘅時候，佢越嚟越宅女，放學嘅時候諗住等埋一齊走，佢話：「等你做咩？唔好阻住我返屋企打機」其實等埋我一齊走基本上2分鐘都唔使，何況仲要同班，等一兩分鐘有幾難？😂令我surprise嘅係佢因為要趕住返屋企打機而唔等我， 呢個都唔算係咩。有次send message比佢問功課，結果隔差唔多兩日先覆，份功課都交咗啦，返到學校問佢點解成日覆嘢咁慢，跟住先知原來佢手機熄晒所有通知，仲話「我要打機睇動漫 唔想覆你」個下我即刻呆左，覆有幾難？你熄通知冇問題，問題係有時有啲嘢好urgent 例如之前有個project 突然要改嘢，佢唔覆搞到成組人好難做 。比多個例子大家，去到今年唔同班啦，開學夾幾個同學想一齊參加課外活動，其實我都唔prefer佢會join，不過我都冇所謂，點知真係，仲要又係同一個原因，話嘥晒啲時間，返屋企打機仲好，我冇諗過嘅係現實都有人係咁，呢啲算唔算係唔想同人social😂 所以綜合晒以上嘅例子，純粹想分享吓我個同學，同埋想問吓大家佢咁樣正唔正常？定係係我社交方面太active😂