#NSS個人
[GUEST] (長文慎入)
hiiiiiii 小妹今年f.1 初次投稿請見諒 話說係我三年級嘅時候，係一個天真到爆嘅人，班上面有一班人經常一齊玩，咁啱我又識到佢地，宜家真係好後悔。我地又係坐得好近，所以好易傾計。然而有一日嘅lunch time，佢地傾到我個frd，我同佢識咗好耐耐，佢地又話佢點樣點樣，就問我:「你係咪都好憎佢?」我就呆咗幾秒，就話:「佢係我個frd嚟㗎喎，我點會憎佢????」之後……就係因為咁 佢地就開始杯葛我。
利申返先，如果再比我揀多一次，我都唔會背叛我個frd 唔會背後捅人一刀。一開始，佢地只係無再同我玩，我就無留意。之後，佢到就變本加厲，篤我背脊。(因為全班小妹最矮)於是同人地傾計嘅時候諷刺我，令我好唔開心。我唔明，生得矮就有錯咩？就係呢句話，令我覺得好自卑。有一次，小妹去剪頭髮，但係個髮型師剪短咗，我已經好崩潰，但係又唔可以唔返學，唯有頂住上。返到學校，佢地又搞事 有一個話我似男仔，又話我好核突，於是佢地就開始日日提(本人真係覺得好煩)嗰時我曾經想過跳，但係我覺得益咗佢……我想揾人幫我，btw我唔知呢啲行為算唔算欺凌，凈係知佢地唔中意我，可能有人唔想畢業，但係我認為畢業對我嚟講係種解脫。
我而家上到f.1，同學都好nice，多咗好多frd。我想同啲欺凌者講，你一句玩笑 可以令人地嘅情緒崩潰。
希望admin可以po上ig🙆♀️
Sorr for 1999 and 文筆唔好