#NSS愛情
[GUEST] 「師生粉」
–
小妹今年F3，同好多人一樣，都鍾意一個老師，仲要係女老師。
我知你地見到呢度實話「又鍾意左老師⋯⋯」其實我都身同感受，呢個係一個趨勢。雖然都唔知點解，但近年黎真係好多鍾意老師嘅學生，仲要同性佔大多數。所以我知，好多人都困擾左好耐。
有人叫呢類學生「師生粉」，我就照樣叫啦。
但我想講一句，鍾意一個人無錯。
鍾意一個人一定係愛情？其實簡單啲黎講，嗰個人如果有嘢值得你欣賞，吸引到你，你都會鍾意，呢種叫仰慕；又或者如果一個人對你好好，令你feel到久違嘅溫暖，你都實會鍾意佢，呢種叫依靠。
中學生本身就容易動心，所以鍾意一個老師都唔怪。不過呢種鍾意唔叫愛情，純粹係一種崇拜或者依賴嘅關係。鍾意一個同性嘅老師，亦唔叫les。
–
我鍾意左個老師三年。佢係個好靚女嘅老師，講嘢仲好搞笑，一個月無耐我就鍾意左佢。一開始我唔知點同佢相處，用追星嘅方式追佢，令佢真係困擾到叫救命⋯⋯（不過當時佢對我真係好好🥲有難嗰陣會幫我，我考差左會安慰我）佢一年後離左校，有段時間我得罪得佢好深，佢block左我。佢半年後同我有返contact之後，我終於handle到個關係，識得點同佢講嘢，點去對佢。而家佢一時好似阿媽咁叫我大個啲，一時好似個frd咁同我「鬥嘴」🌝雖然唔係真正嘅frd，但我地感情係幾好㗎，同時間我都仍然好愛佢。當然啦我個老師真係好好人，我得罪佢咁多次都原諒我😗（唔好打我）
其實我覺得又唔使驚嘈到個老師，而主動斷開關係嘅。每個人對於一段關係嘅終結，總係傷感嘅、遺憾嘅。你突然間消失，人地作為老師又無可能主動搵你，感情就突然間無左，可能人地都會掛住呢段感情呢。老師有學生愛戴，願意同佢分享日常，想聽自己意見，佢自己都會開心。當然啦，唔好日日WhatsApp轟炸佢，最多一個星期一次啦。
同埋響老師面前大方啲，講嘢自然啲，當佢係自己frd咁談笑風生，咁咪唔尷尬囉。
真係唔好做啲過火嘅嘢，時時刻刻都要記住自己係個學生，佢係個老師（尤其唔好當佢idol！真係會大鑊）同埋唔好真係當佢frd而肆無忌憚講嘢，會出事🥲
當然佢係一個老師，無可能好似一個frd咁樣講嘢咁free，覆得都唔會咁快咁密。師生間畢竟有年齡同輩份嘅代溝⋯⋯所以唔好因為人地已讀不回或者覆得好冷漠（e.g.無emoji）而傷心，懷疑佢係咪嬲左自己。我知鍾意一個人係會執著於呢啲，但人地可能咁啱心情唔好咋嘛，亂唸太多真係會大鑊（我試過⋯⋯）
In addtion，真係唔好唸「機會」呢回事。就算師生戀，真係畢業之後先唸。響佢嘅角度出發，佢響學校同個學生拍拖，總係會好尷尬。自己既然咁鍾意佢，點解要人地尷尬呢。
我知好多人都激嬲過自己老師，我都試過。但等半年、一年左右啦，人地畢竟一個大人，討厭一個學生咁耐做乜啫。到時再搵返佢，同佢道歉返，show俾佢自己大個左，可能一切都可以春風吹又生。
唸深一層，其實只要呢份愛，佢接受，亦對得住自己，又何必理會他人眼光呢。人地為呢段愛下定義為愛情，甚至話你les，你自己覺得唔係咪得囉。愛唔一定要定義乜類型，只要呢份愛驅使出黎嘅行動，佢唔會介意，對得住自己，咁就得啦。
我個老師知我好愛佢，但其實一啲都唔影響到我地嘅關係。重點係在於我點樣對佢，我只要唔太敏感，搵得太咁密，太依賴佢，都照樣可以好frd。
–
呢個純粹個人意見，都係根據我個人經驗分析。我自知我自己講嘢亂黎，內容可能引起爭議，文筆都唔順暢。大家有乜可以直接鬧，不過鬧得細力啲⋯⋯
我嘅意見固然係唔全面嘅，但我只希望我可以稍微幫到各位鍾意老師嘅學生們。鄙人識淺，望大家見諒🙏🏻
Sor for 1999&長文🙇🏼♀️
希望admin可以po ig萬分感激🙏🏻
–
*/附錄/
最後我真係想多謝我嗰個老師
佢響我最抑鬱嘅日子、最容易學壞嘅年歲、最缺乏愛嘅時間，以我idol嘅身分，對我一直好好。無佢我都唔會係今日嘅我，唔會咁懂事，變得咁開朗，亦都無可能為左報答佢考到第一⋯⋯（唔係曬命，係想證明佢嘅影響力🤪）
我知佢無可能望到呢度，但我真係想多謝我最愛嘅佢，900日黎，就算佢有大半時間都係離左校嘅，都唔嫌棄我咁怪咁煩嘅性格，一直溫暖住我。初中三年，因佢而快樂無比。我唔知咁開心嘅生活會持續到幾時，至少今日，我都會好好珍惜有佢嘅時光。
多謝你，你係我生命中最好嘅老師，更加係我嘅白月光🤍