#NSS家庭
[GUEST] 有啲長
是咁的小妹我最近日日都打麻雀
原因係我婆婆鍾意
我哋一家人打麻雀都係因為想氹婆婆開心
因為其實我婆婆疫情前喺鄉下過嚟
諗住同我哋住一排
之後就返去
但點知疫情搞到婆婆到依家都返唔到去
我婆婆就好唔開心好想返去
加上我鄉下嘅二舅父發生咗啲事
婆婆就更加想返去
間唔中就喺房度喊
咁因為婆婆鍾意打麻雀咁我同阿爸阿媽就陪佢打
初初就係隔一排先打一次
而且唔打真錢
咁我覺得冇咩所謂
直到有一次阿媽提議打一次真錢
咁我諗住一次啫
點知之後次次變咗都打真錢
仲要日日打
即使我第二日要上堂都照打
咁我都係一個學生啫
邊有咁多錢
一次半次就話攞到出嚟啫
咁我就同阿媽講
阿媽次次都話咁下次唔打真錢
咁我都話ok
但當阿媽每次講話唔打真錢時
我婆婆次次都話一定要打真錢
咁我阿媽每次都就咁妥協
之後打返真錢
有時我哋話不如玩其他
婆婆就話要打麻雀同埋打真錢
我哋都想佢老人家開心
但我心入面已經唔想再打
我琴晚覺得好攰就話不如打多幾輪停啦
我婆婆就話次次都打咁短時間就唔打（平時都打幾個鐘）
叫我哋唔準停繼續打
夾硬打到11點幾（我哋好早已經開始打）
我琴晚仲要真係好黑仔
輸曬個本仲要負
我真係打到喊
（我都係流眼淚咁啫唔夠膽有太大反應）
我真係唔想再打啦
講幾多次唔想打都夾硬要我打
我唔想婆婆唔開心先唔喺佢面前講
只喺背後同阿媽講
我今晚好唔容易先停一晚唔打
點知阿媽話聽晚再打
我真係有啲頂唔順啦
我唔知點算好，我唔想咁打落去
但係我唔想婆婆唔開心
想問下有冇辦法可以解決
唔好誤會，我好鍾意我屋企人
我好愛佢哋，我唔討厭佢哋
但我真係有啲頂唔順
多謝你睇到呢度
sorry for 1999
可能有錯字，請見諒