#NSS社會
[[GUEST]] 究竟讀大學係咪喺香港嘅唯一出路呢？
買車買樓娶老婆/嫁老公 抱孫仔咁樣先係堪稱完美人生咩？
香港競爭壓力大 人工少樓價高福利少。
咁係咪代表如果成功讀大學
就唔使面對以上呢？
但係其實工種會有好多 除咗可以靠學歷搵食
其實仲可以靠技能搵食(?
KOL/運動員/藝術家/音樂製作人…
以上都唔使睇學歷標榜住
世界上有啲富豪都係冇上過大學
咁佢哋唔成功咩？咪一樣得咗…
其實成功與否好取決於時機、命運
當然啦！如果係學生個責任而家都係讀書
不過我覺得除咗努力讀書之外我覺得更重要嘅係培養興趣 ～
有一技傍身 足以出類拔萃、獨立雞群
可能而家仲係學生嘅我唔明白社會嘅險惡、恐怖嘅職場。
但係我覺得時代而家開始慢慢轉變，讀書唔代表一切。
就算出到嚟搵到份好工 但係心理壓力大。
有情緒病都好無謂。
我會將健康放喺首位，健康係就算有錢人都買唔到，我唔單止講身體上，而係心理上都健康。其次重要嘅係知足，人一貪婪，好容易做錯事 得不償失。
以上係我啱啱比老豆老媽子屌完打出嚟感慨文。小妹今年中三要選科 成績唔太理想
所以想當呢度係樹窿 乜都講晒出嚟。
歡迎各位喺下面討論我呢種諗法好唔可取
多謝admins post🙇🏻♀️