#NSS家庭
[Guest] 我豆老呢排喺到買股票，跟住成日同我講:你快啲去學股票啦，人哋7，8歲已經學緊，你12歲學已經好遲(由12歲煩到我依家14歲)。你依家唔學，以後出社會畀你恰到仆街都冇say。成日喺屋企嘆，出去揾工做啦!(佢因疫情轉工去送外賣，之前有迫我幫佢送2-3次，唔去佢就敲我頭，用粗口鬧我)
有一晚22:30我老豆叫我出大廳（原本做功課），又係聽佢講「道理」(佢好鐘意叫我出廳聽佢講嘢。今年聽過佢講同一段嘢不少於20次，內容每次都一樣(叫我去學投資，去揾工，話我喺屋企嘆，唔識諗。聽佢認叻+話自己一早知道08年嘅金融海嘯…每次都聽到我反白眼)，阻住曬我啲時間，仲要話我西佢面。聽咗一個鐘之後同佢講話要做功課，佢同我講話要做咪走囉，冇人求你聽。我心諗：一開始邊個叫我出嚟？…每次我都好無言…但冇計，因為佢係我老豆，唔通反枱鬧佢on 9咩…
我仲成日被佢鬧到好似一事無成咁(其實我讀Band1c都唔算太差)，每次我都好想自殺，但又唔夠膽，真係好辛苦，好大壓力。究竟係我太唔識諗？定係佢問題？
Sorry for 1999