#NSS學校
[KC] Admin 我冇圖但 post ig plz
官校？
小弟係初中生，就讀呢架自稱“傳統名校”。傳統就真係好傳統，不論喺歷史上，制度上，或者係啲風氣。但“名校”就見人見志。畢竟上次出狀元都係好似14年果陣，dse成績都麻麻地（尤其LS，如果用番英文教應該會好好多，但而家都唔存在啦，所以冇所獲），而且banding仲不斷跌緊，其實都幾驚第時佢會變band2，變到好似聖類斯同埋rc咁（抱歉只諗到呢兩個例子）。
所以如果你覺得kc唔係名校嘅話，咁我為我喺名校secret投稿嘅行為講聲sor。
*如果您有經歷到以下我所講嘅事件，我只好說，如有雷同，實屬不幸。*
今日講嘅，就係，呢間學校嘅制度同教師問題。
首先，制度上，可能係因為呢間係官校，啲outdated嘅官僚體制搞到咁嘅境況。
（來open day嘅小朋友千祈唔好俾啲紅磚衣包裝呃到，因為的確好靚，英國佬啲design真係太正，怪得打仗果陣日本仔都攞嚟養馬啦）
校長可以話係被架空。你覺得佢有權咩？佢只係喺度俾edb調嚟調去，坐幾年屎塔都未坐熱就又俾人調走。班老屎忽就梗係唔show你啦，un下un下逗納稅人啲人工唔好咩，況且佢係地頭蟲，你覺得實際上係啲seafood大權啲吖定係校長大權啲吖。所以就算個校長想改革諸如此類嘅就收皮返去耕田算啦。
但以我觀察，呢位先生酷似一個移動廣告。成日嘿嘿嘿咁笑，對住學生同家長又係咁，錢又籌唔到。（人哋庇理羅士夠係官校囉，咪一樣籌到錢）。大佬，啲projector又殘，visualizer又成日接觸不良，窒下窒下，部電腦又殘，network又慢（zoom一下就可輕鬆體現出此問題），少少嘢啫，提升硬件唔得？難道一個傑出校友都冇？冇人肯慷慨解囊？
講到it 同籌錢嘅問題喇。
IT先。學校話要發展IT，AI呢啲。咁點解唔開放3樓圖書館側邊嘅stem room呢？我可以話俾你哋聽，我唯一一次行入去，見到佢開門嘅時候係喺我f1 open day先入過去，一次。可能高少少form有用過，我唔清楚呢方面。但點解你又唔開俾人用呢？電腦堂背少啲垃圾ict，極端啲，就去少啲“社工”演講，因為呢啲係“特別學習時段”，所有堂都要讓路。咁點解呢啲無謂嘅“學習”唔可以攞去用其他更有用嘅嘢呢。f1，2係有少少時間去學呢啲嘢，但實在太少時間，我認為。總有時間窒到一兩堂出嚟俾我哋學吓嘢。想做就一定得架啦係咪，你得嘅。
籌錢方面。呢間學校嘅pta認真垃圾。成班友喺度圍爐，自稱自己係“家長與教師學校之間嘅橋樑”，咁點解佢哋係家長有問題嘅時候會話 “呢啲係你哋同學校嘅事，唔關我事”。收皮啦咁我哋交會費俾你仲乜，不如摺咗佢就算。你又仲咩要做主席呀副主席呢，唔想做咪唔好做囉，又冇錢收，又冇人用槍指住你，係咪先。
其次，我哋返番去開頭嘅教師問題。
老屎忽固然多，官校嚟講，正常。但佢哋啲品格行為先係極品。*2手消息* （唔信我唔好信。）朋友仔同我講，佢哋隔離班個老師係痴線，簡直係心理變態。佢英文係教得好嘅，我見到鄰班同學嘅英文的確係有長足進步。真心的。但係，舉啲例子，佢會將同學嘅乒乓波由ug丢落地下嘅canteen，cal機，甚至書包係3層樓丢落操場。極之過份。我寧願我英文差都唔要受呢啲擔驚受怕嘅苦。*2手消息完畢*
跟住，有一個教geog嘅阿伯，喺幾年前錄咗條“教學片” （啫照書讀），跟住每年重複服用，不斷輪迴廣播咁，認真環保。好啦，應該點上佢堂呢。首先，cycle頭會掟幾條 “教學片”俾你，叫你喺powerlesson到做fill in the blanls，跟住佢嘅堂就係咁二咁重複番佢之前條片講乜，大約15-20min左右，同時叫你抄佢喺書上面照搬落嚟嘅“notes”，成大段架。最後咪做10條fill in the blanks囉。落堂，bye。
隔離精英班都好慘，俾人話係“精英”就迫佢哋去做其他班唔晒做而唔係syllabus入面嘅嘢。
例如佢哋嘅數學老師，迫佢哋去香港統計協會果個統計比賽，話係佢哋班嘅習作，因為佢哋係精英班喎。一句“你得嘅”就要上刑場。但係記住，佢係“指導老師”，實質冇乜指導。總之就叫晒佢哋去，大包圍咁玩，因為參加嘅話，指導老師就會有感謝狀。況且，如果佢咁漁翁撒網咁啱啱有一個優秀作品，佢又可以話“我指導呢位學生架，佢成功都係有賴我”咁，佢唔使俾咩effort落去就可以有成果。諗深一層，其實佢都係一個功利，為虛銜而活落去嘅一個人。著數。醒目仔。
啱啱呢位數學老師都知名於每次zoom堂遲到起碼10分鐘，十五分鐘係正常嘅人，呢一個禮拜仲試過成堂冇上唔見埋添，唔講都以為佢被沖落維港或者係洗緊頭添，仲貴為副校長，哼
佢哋個中文老師都係咁上下。2020年9月十月十一月每月喺度請足兩日假，每逢30日（唔係28）就會請兩日假。開學上堂（zoom）第一日，佢就已經請咗假。落黑雨果日，佢又請假。個主任後尾話俾佢哋聽係因為落大雨水沉街所以就唔小心差錯田，所以就仆街，發出了街道嘅聲音。呢個就笑吓算喇。男人唔熟悉女性身體結構，如果我有錯唔好屌我。希望呢位老師身體安康，千祈唔好有暗病。同埋千祈唔好扮週期到而蛇王。
有時，“精英班”唔係驕傲，而個惡夢。
老師可否唔係教唔教得好，如果佢有心就係好老師，即時佢教唔明你，但只係佢唔識教或者教法唔啱你，只係廢，但廢得有骨氣。
相反，就算係教得好好，你蛇王，吞pok，甚至係不能控制情緒，或者利用學生為你換來虛名，抱歉，呢啲叫誤人子弟。因為學生會話“老師都係咁吖 老師都係咁” 我唔理佢哋係因為老師影響吖定係只係用嚟當做正常化佢哋嘅唔合理行為。老師就係要教好學生，學業上，更是品格上。呢啲老師自身難保，又如何可以奢望佢哋教好學生呢？所以啲老人家講時下後生品行不斷下降係同呢樣嘢有一定關聯。（呢度唔好廢老唔廢老，唔關事）
曾經，本校有大量學生喺般咸道7仔痴wifi打機，粗口爛舌，因此俾人投訴。樹大有枯枝，有好學生，自然有差啲嘅學生。自揭瘡疤之餘，更想替佢哋講聲對唔住。
我f1果時去過第一個（唯一一個）我和校長有個約會，當時好似有一個人問校長可唔可以叫學校整件學校風褸，學人哋保良局果啲。跟住佢話因為學校傳統，所以就不了。話說有間官校，叫qc。佢哋仲耐過我哋歷史，但都可以白波鞋再加風褸啦，相反我哋著冬季要日日披件大地牌，又重又唔保暖。點解我哋要因為“傳統”而唔可以創新？校隊果啲夠有風褸囉，點解我哋唔可以？唔整齊咩？得一個款咋喎大佬。所以呢個校長…唉。
批評還批評，希望各位，尤其英皇老師校長可以睇到小弟嘅上訪信，以作出任何改善，將呢間學校重回正軌，自我增值，邁步向前。
**應該有人問我點解我唔直接同校長投訴，因為喺呢間學校，所有投訴渠道同意見調查都分別需要留電話同學校email。變相係咩？大家都知，“走在最前線”。
2/25/2021