#NSS文化
[某屹立寶馬山50年嘅學校] 大家好，明白大家可能睇近排嘅post睇到嬲嬲地，或者開始對band 1產生負面感覺，但希望各位可以睇落去。
小妹係一個 form 3學生，以前小學畢業有一個best friend入咗band 3, 佢好唔甘心，同我講話“我一定要努力轉一間好嘅學校”。 之後佢好努力好努力讀書，即使嗰間學校嘅老師唔係太好，佢都冇放棄，於是今年成功轉到一間自己鍾意嘅學校。
其實我見到佢咁努力，我都有啲慚愧，我喺一間咁好嘅學校都冇乜進步，反而佢喺逆境之中都可以自強，我真心好欣賞佢。
作為一個有返少少質素嘅人，係唔會用banding斷定一個人。無論喺咩學校banding，成績唔代表一切，就算你喺band 3, 都唔會受到我地歧視，而我地都唔鍾意用banding label人。
回應返DBS校友話見到有band 3打波嘅投稿，恕我問一句，人哋有自己嘅興趣同人哋係band 3有咩關係? 請問係咪死讀書，連有自己嘅興趣愛好都唔得就係好?
小妹寫呢篇嘢嘅重點係想大家可以明白作為band 1(至少我)係唔會因為banding歧視人，當然，並非所有band 1都對其他人有惡意，希望大家唔會以概偏全。
喺呢度，代表所有band 1道歉，各位都唔好再因為呢件事鬧交啦，辛苦adminsssss
最後，多謝你睇到呢度，sorry for 1999