#NSS個人
[GUEST] 小妹今年F4，之前三年一直都同一個好frd嘅同學同班，我喺學校做咩佢都幾乎形影不離，但今年我地揀咗唔同嘅科，自然就冇得同班。起初我覺得冇咩好擔心，我地感情咁好，唔會因為唔同班就疏遠，但到開學先發覺，真係同佢少咗好多話題，相處時間亦都少咗好多，如果係因為對住 唔熟嘅人而諗唔到話題咁我都冇覺得咁尷尬，但依家問題係對住一個最frd嘅人都諗唔到話題，嗰種感覺真係好尷尬、好難受，我而家每次約佢食飯之前都要諗好話題先敢出門口，仲要好多話題都係一句起，兩句止，開始出現咗啲距離感，即使未到絕交咁嚴重，我都好驚佢唔重視我，雖然我而家未至於話好邊緣好寂寞，但每次見到佢就會有種難以形容嘅空虛感，諗返起以前幾乎乜都會講，都而家諗個話題都要千算萬算，真係有啲sad。我唔知係我嘅問題，定係正常現象。但無論點我都想盡力搞番好個關係。唔知有冇有類似經驗嘅人可以分享下呢？thxxx