#NSS家庭
[guest] 阿媽啲鼻鼾聲搞到我訓唔到，我應該點算？
大家好，小妹今年f2，因為 爸爸頂唔順阿媽啲鼻鼾聲 同埋 佢訓覺會壓住阿妹（阿妹一定跟阿媽訓 唔係會訓唔著），咁所以阿媽就同我訓啦。
但係問題嚟啦，阿媽啲鼻鼾聲好嘈，我本身已經易失眠，佢咁樣搞到我晚晚都訓唔著，仲要嚇我話「你咁樣好快死。」咁就搞到我更加訓唔到啦。
我都有同佢講過，但係換嚟嘅只係晦氣說話，「咁我同啊妹訓廳囉」 跟住就話我係不孝女。
我都有嘗試過訓廳，但係個梳化太細，我又偏高，根本就訓唔到。（同埋太多曱甴
我有時嬲得滯，會當晚同佢講，咁佢就因為我嘈醒咗佢，所以就狂鬧我，同埋出手打我。
而我都有同阿爸講過，點知佢叫我收聲，因為俾阿媽聽到嘅話，佢都冇得訓。
好啦 咁講到呢度，如果有錯字或者詞不達意嘅話非常抱歉（因為我係半夜打呢篇文嘅