知道一定會有人話我守舊，或者話我妒忌。但無論啲人點講都好，我今日剩係想帶出一樣嘢，就係心態未成熟唔好拍拖。
拍拖嘅意義係咩？為咗消磨時間？為咗玩？為咗試新嘢？為咗結婚？
為咗乜都好，感情係應該由兩個人用心經營嘅，當初都係因為相遇，之後相識最後先會相愛。呢段關係喺好多好多機遇之下建立嘅，應該珍惜，而唔係糟蹋。
點解會話心態未成熟唔好拍拖？因為好多人都抱住玩玩下嘅心態，根本完全冇放心機落去段感情度，完全冇尊重過段感情。好多人都覺得，只要喺拍拖期間冇做過啲咩對唔住對方嘅嘢就得，分咗手之後第一日就可以識過第二個男仔/女仔。冇錯，咁做理論上係冇問題，但有冇諗過對方感受？你可能會話「都分咗手啦，我點解仲要理佢嘅感受？」但有冇諗過，佢可能就係因為呢次，而令到佢唔再相信愛情？另外，不停換男/女朋友都係另一個未成熟嘅問題。我知道一定又有人話「關你咩事」「係咪唔得」嗰啲㗎啦，但係咁做真係唔會覺得自己好渣？
*真實事例*
話說frd A同frd B（依家已經同B唔係frd）相愛咗一年時間（冇表白，純粹相愛），突然有一日frd A 同 frd B 表白，咁好順利就開始拍拖喇。咁frd B其實喺我哋眼中係playboy嚟，間唔中就轉下女咁啦，frd A 同我哋講佢哋一齊嘅時候我已經同frd A講frd B 唔會係認真，我就話佢哋一定唔夠一個月就散，frd A堅定咁話唔會，一定last 到好耐。不出我所料，一個月都冇就散咗。個原因係Frd B 覺得frd A 好煩。個問題係，frd A 冇煩到frd B，frd A只係煩到自己屋企人。好啦咁散咗啦喎，咁以為frd A會想挽留啦，點知連挽留嘅時間都冇，呀frd B 第二日就即刻同第二個一齊咗。問佢點解啦，佢話「唔係喺拍拖期間同第二個一齊就得啦」唔知點解佢把口可以咁賤喺度talk shit，但係我知道B一個舉動其實係會令到frd A 唔再相信愛。其實點樣先可以做到無縫接軌？以我所知，Frd A到依家都仲係好愛佢，點解B可以咁無情？
又係一個唔成熟嘅愛情故事。所以真係要諗清楚先好拍拖。拍拖唔係問題，但係一定要識得尊重感情，尊重對方，咁先至可以有一段美滿嘅感情。
sor for 1999
（預咗俾人瘋狂鬧但冇所謂啦）