#NSS學校
[Guest ] 純發洩 (利申低form)
係咁嘅，前排仲上緊online lesson嗰陣啲老師已經好鍾意夜晚11點幾先出功課但照樣2359 deadline。你哋可能話咪唔好做囉，我嗰班一開始都係咁諗。一次兩次都還可以，但係冇過幾耐啲老師遲咗1分鐘都直接屌你。十幾科，幾乎一半都係鍾意11點幾先出功課，啲功課又唔係話簡單。而家科科都屌，老師成日掛住屌人唔上堂，上唔切又要補堂，好似惡性循環咁😐 如果屌完都未交，好彩嘅就直接打電話同你老母講，唔好彩嘅直接搵你返學用zoom上堂 (全部人都覺得呢個勁弱智)
上zoom，老師完全唔理Wi-Fi係咪出事，突然lag咗聽唔到問題答唔到一律扣分 (仲要唔少) 某啲科幾乎堂堂都有quiz，成日一個ch都未必教完就照殺，啲分計成績。你可能話可以出貓，但係啲老師要求每個人要用3個device，360度睇住你quiz，用唔到/冇三個device？恭喜你又被扣分。
而家放假，但係真係放假咩？我放咗3日，日日都照俾功課，但係原本仲有假期功課㗎喎。
放完假之後輪到我嗰form上堂，我都預咗會多quiz，但係真係估唔到咁多。我每日九堂，計過平均每一日都有4個quiz。講返先我學校取消咗ut，但係我真係寧願考ut都唔想日日咁多quiz等住我哋🤦🏽♂️