#NSS個人
[GUEST] 因為唔知係邊度講好，所以想係到抒發下。（長文慎入）
我成日都覺得自己唔值得、唔會比人愛。我對自己個樣好自卑，我生得真係好好好樣衰，見到我身邊嘅朋友都好靚女，我就真係好想自殺，因為唔想再比人話樣衰所以開始化妝，但即使係咁我都覺得自己好樣衰，就算有人話我唔樣衰，張相影得靚我都唔會信，佢哋講嘅都只係假話。我開始化妝拍拖之後就係咁比我阿媽話我發姣，亦因為咁，我好痛苦所以揀咗分手，分左手之後我阿媽都冇再咁講我，但就比我個級嘅人話係賤人。
見到啲人放閃我唔會覺得自己可以好似佢哋咁比人愛，因為我真係好樣衰，讀書又唔好，做乜都半桶水，咁嘅人邊有人會愛佢呢？我真係好想好想死，我嘅朋友就算五官唔完美但影相岀黎都好靚，但我呢？我就好似成個怪物咁，有朋友叫我影相我永遠都會say no，我真係好唔想見到相入面嘅自己，其實點解一定要影班相啫？有冇諗過某啲學生嘅感受？我而家已經一見到鏡頭就好想驚。
我阿媽好鍾意迫我，我理科差，佢就想迫我讀理科。我鍾意著某一種類型嘅衫，佢唔鍾意，就會話我買埋啲垃圾。就連我嘅生日蛋糕，佢都只會買佢鍾意嘅，佢唔鍾意就唔比錢，但係佢又唔比零用錢我，我邊度有錢可以自己買？有時買一支$79嘅唇膏，明明已經半年、幾個月冇買化妝品佢都會講我發姣、晒錢，買完之後佢又袋走，講到佢係幫緊我用咁，但好明顯唔係。仲有，有時我真係好冇好冇胃口叫佢唔使整野食，但係佢死都要整，我唔食佢又屌柒我，話為我好，但我完全唔覺，我真正需要你個陣去咗邊？成日帶你男朋友上嚟由得佢食煙臭到死，佢之前幾次當我面串9我，話你整野難食呢樣個樣，我唔理佢，有佢係到就唔岀房，你就屌我態度差？你係選擇性失明定點啫。
我好憎我屋企，點解我阿爸同阿媽之間嘅事，我就要夾係中間受氣。上次佢係咁係咁講我忍唔到，就喊住講「你講緊未啫？點解要同我講啊」我知我態度係差，但佢就發脾氣，話而家講都唔講得啊？除咗我阿媽，我阿哥都好鍾意話我好樣衰，或者就好似上面件事咁，擺明我阿媽做錯，佢就屌我唔孝順。之前細個我唔生性，發脾氣，佢就箍住我條頸，好似想整死我咁，嗰個樣真係好恐怖，之前佢做咗啲好錯嘅事我阿爸想打佢，我都幫佢擋住。而家對我好嘅阿爸都搬咗去好遠，冇人可以幫到我，我真係唔知點算。
今年揀科我真係好驚，好驚揀唔到想讀嘅科要讀我唔擅長嘅科，一諗到我就好想死，其實我已經諗好左如果真係咁就自殺，只係未揾到香港邊度有開放式天台（如果你哋知都可以同我講，thx，最好就唔係大庭廣眾，唔想嚇親人，阻到人）
我而家已經忍得好辛苦，由之前用間尺𠝹手到而家用𠝹刀，我每次都忍住咁𠝹少啲驚俾人見到，尤其而家夏天。見到高樓大廈、樓梯、黨鐵車軌都好想跳落去。學校啲老師又好似唔鍾意我，明明我咩都冇做過，佢哋好似鍾意以前排我個個學生仲多過對我，佢哋一嗌佢個名或者讚佢，我就會好似抖唔到氣要拮自己手先冷靜到。所以話咁有缺陷嘅一個垃圾點會有人愛，除咗去死都冇其他嘅價值，仲要係到阻住人，明明又冇抑鬱症又咁想死真係好似怪物。我阿爸一死，我都會去死。
Sorry for1999，因為我喊住嚟打，唔係好組織到啲字。