#NSS個人
[GUEST] （求admin po ig thx）（同埋sorry小妹講嘢成日一舊一舊，希望大家可以睇得明）
Hi我想問吓你哋覺得對一個睇動漫而且只睇入邊嘅妹子的女仔有咩諗法？會唔會覺得好核突？
介紹翻自己先❗️小妹今年F3，小學嗰陣就開始一直睇動漫，初初都係睇一啲日常番，但去到中學嗰陣就開始接觸唔同嘅動漫，例如魔法禁書目錄、進擊的巨人、Jojo、約會大作戰之類嘅，跟住係中二嗰陣偶然接觸左東方project，徹底變咗一個百合控🤤我自認我自己並唔係啲咩好資深嘅動漫迷，但係我好享受嗰種科幻嘅樂趣，個種係現實中做唔到但係動漫嘅世界入邊可以做到嘅嘢，我覺得好得意😆，另外我自己都好鍾意睇vtuber ，初初係喺pixiv嗰度見到rushia嘅相，覺得幾得意，後來上網查下先知原來佢係vtuber ，之後就開始上YouTube諗住淨係望一望直播，點知上晒癮😂，之後我就開始因為佢而認識咗hololive，變咗DD（我自己有時會睇船長、阿夸、pekora 、486嗰啲直播等）我每日就係睇動漫或者睇直播，有時聽吓日文歌同埋東方原曲，屋企擺咗好多Figure，而且相簿全部都係我老婆啲相，每日望到佢哋都覺得好幸福(∩´∀`∩)♡
不過問題就嚟啦，自從我上咗中學之後，我見到好多女同學都係追星、睇B L嗰啲，全班女仔得我一個人睇動漫，我自己又有啲內向，所以喺班上邊都融合唔到( ´༎ຶㅂ༎ຶ`)，一直都好驚係咪因為我鍾意睇呢啲嘢搞到人哋覺得我好奇怪，係咪變態（但老實講我對現實嘅女仔完全冇興趣），換個頭像都因為驚人會點諗揀咗幾個鐘都未揀到，我好擔心未來一直都因為咁而自卑，所以就喺度寫出嚟想問吓大家我可以點算(- -;)
好多謝大家可以睇晒成篇文( * ॑꒳ ॑*)
sorry for 1999