#NSS學校
[GUEST] 標題：唔知點解覺得個老師啲行為令我唔舒服，定其實我諗多咗？
大家好，我係某中學的中三學生。
因為今年都要揀科，所以都好認真上堂讀書，尤其英文呢科。一開始都覺得個老師冇乜問題。但係到後來，就覺得有啲唔妥。
嗰個英文老師已經結咗婚，三十幾歲，好似仲有個仔。但係佢啲行為舉止真係好奇怪。
佢成日上堂都企喺我附近，啲眼神讓人好唔舒服。我直情唔望佢，唔想同佢有眼神接觸。自此之後，佢就成日搵我答問題。當我唔識答，佢會俾好多hints 我, 但係對住其他人就會板起塊面，話佢地冇專心上堂。
我哋學校英文考試有五份papers, 當中有兩份都係冇固定答案，係靠老師嘅感覺俾。我差唔多每次嗰兩份都係攞接近滿分，仲要高過啲精英班嘅同學。自問小妹成績一般，真係冇乜可能咁高分。好多朋友都感覺到有好明顯的差別待遇，我有問過佢哋諗法，佢哋都覺得嗰位老師特別偏心我。
有一次，我上佢堂因為太悶所以望住隻窗喺度發呆。然之後落堂，佢走過嚟問我係咪唔開心。我即刻行開，求其敷衍兩句就話有急事走先。我心諗有同學夠喺度打機啦，你又唔話佢，喺度關心我開唔開心？同埋我戴住口罩你都唔會知道啦💩
佢唔知喺邊度攞我電話，間唔中又message我，有陣時喺度噓寒問暖，有陣時叫我幫佢做嘢。
我自己覺得個老師好奇怪，大家點睇？
第一次投謞，sorry for 1999