#NSS愛情
[Guest] 點樣先係鍾意一個人？小妹今年F3，同ex識咗一年嘅時候佢同我表白（F1同班同學），其實我同佢一直都係好frd嗰種，互打互鬧咁，但係我係對佢冇任何感覺。後來佢追咗我兩個月左右，可能都仲係未夠成熟，我衰新鮮感同佢一齊，後來真心冇feel然後好快分手。佢有挽回過兩次，我冇應承，因為我都係冇feel我覺得唔應該再hurt多佢一次。
F2 F3唔係同班，少咗講嘢但冇僵到。最近有返計傾，一齊打下機咁，會傾好多嘢：學業、近況、日常嘢。我唔知係咪我太耐冇拍拖，（同佢散咗就冇拍，唔想再為拍而拍）我會因為佢唔覆我機而嬲、會因為唔同我打機而唔開心、有其他女仔讚佢我會煩躁，當然唔會發佢脾氣，一句ok帶過。
我係care佢？有好感？定係太寂寞？我好confused，想有人可以俾啲意見，鬧都冇所謂。
Sorry for 1999