#NSS個人
[Guest ] 小妹我今年十六歲，極度自卑，冇自信。一直都覺得生存無咩意義，我會將自己嘅缺點不斷放大，樣又差，又冇身材，屋企住公屋，一直以嚟都好自卑。
我最近鍾意咗一個男仔，同我同年，佢條件幾好，樣又唔差，家境都好好，身邊亦都有好多靚女朋友。可能因為日日傾偈，佢話佢對我有好感，而我喺現實幾乎冇同佢面對面講過野，都係因為自卑呢個問題。
但其實我又唔係咁負面嘅，最近有努力改變自己，為咗佢亦都係為咗我自己，我去學化妝，不過我素顏好樣衰，呢幾年皮膚一直都好差，試過好多方法都係咁：（ 亦都因為皮膚差，好少會面對面同人講嘢，亦好少抬起頭講嘢，不過我化咗妝後當然比素顏個樣好咗，但係我五官本身差，遺傳咗媽咪個鼻好大，諗住大個去整容，唉 我五官冇一樣係我滿意嘅。而講到身材，好羨慕身邊女仔個個都大波，而我亦都遺傳媽咪一樣，好平，唔知仲有冇得發育，平時亦都食好多可以豐胸嘅野，但都好似冇用，而我又唔算瘦，只係高，平時鍾意食甜野，一唔開心就會食，算係暴食症之類，但係食完又會好後悔，因為會爆瘡同埋肥，試過扣喉，但係好唔舒服。另外我係住公屋，唔算窮，因為屋企人有儲開錢，但係我一直唔想俾人知自己住邊到，擔心人哋會送我返屋企，如果平時同朋友搭車，我唔會搭去自己屋企，反而會之後再轉車之類。
而我真係好鍾意呢個男仔，但係一直覺得
襯唔起佢，佢對我真係好好，我好想同佢有將來，但係我真係好介意自己。
Sorry for 1999 多謝各位睇完。
希望可以俾啲意見我，去改善自己。