#NSS學校
[TNSS] 其實依D嘢係咪個個f1都經歷過？
小妹今年f1，大家睇到依句可能會話又係f1收皮啦，但係請你地睇埋落去比D意見
sor for 1999
其實我從來冇諗過投稿，但係依件事對我黎講有D嚴重先上黎問大家意見
小妹同大家一樣，小學升上中學對中學既生活無比憧憬，不過好快被現實打沉。
話說9月時，識左個同學簡稱A。A呢，一開始好正常，同我都幾多話題，但後尾越黎越奇怪(mk)，會無啦啦抱怨生活，好容易講到自殺既話題，介手po story ，我仲發現佢抖音化，我即刻覺得佢唔可以深交，開始遠離佢，佢仲近埋D同樣抖音化既人，成為左一個以佢為首既團體，日日煲東瓜簡體字唱抖音歌，我本身唔想理佢地，但我同佢frd過，佢日日拉我同佢一齊，每日陪佢地放學，你問我點解唔直接_佢地同佢地絕交？邊有咁容易，佢地幾乎控制全班，兩個班長都喺入面，黑板每日被佢地佔用，我雖然比佢地叫我做壁報既美指，實際得個名，乜都話唔到事，成個壁報離晒主題，咁都算，呢D我都視而不見，同frd呻兩句算，但威脅到我人生安全我就唔可以作罷。
有次(仲係半日課)上完堂，我喺班房食飯(陣間有活動)，A仲未走，佢唔知做乜將把鉸剪對向自己條頸，其他同學同老師阻止佢，咁我趕住食飯，作為佢既「朋友」，我點都要講兩句，求其hea佢勸下佢，點知突然將把鉸剪對住我，嚇到我唔知比咩反應，老師收左佢把鉸剪，我拿拿林食完走人，返屋企同阿媽講左，阿媽家長日第一件事同班主任講，班主任表示唔知，阿媽話班主任一定知，個老師一定有同佢講，佢只係扮唔知想了解多D，後尾件事就不了了知。
你以為事情到依到就完啦咩，咁你就大錯特錯。
其實，喺依件事其中，我識左一個朋友B，咁佢本身同A frd，但A成日嗌自殺之後B又發現我同A的那些事就想同A反面，我地就frd左。
我知道冇發生血案老師學校係唔會處理，咁我就唯有自己出手。
我識左B之後，知道佢要同A絕交，我就同佢frd，佢要同A鬧絕交既時候(喺WhatsApp 鬧交)，B就keep住問我意見，問我應該點同佢鬧交，我就喺背後控制住B同A鬧交，最後再同佢講絕交，我知道依D根本對A造成唔到影響，佢都唔會覺得失去B有咩唔好。我就喺第二日返學親自同佢講點解B同佢絕交，我喺背後控制B，A同B既鬧交台詞有一半係我諗既，佢聽到之後呆左，我敢肯定佢一定唔會同任何人講。其實呢刻我地已經間接反面，但因好多原因我地點都要保持點頭之交。
A單嘢就完左，咁就開始上我與B既故事
之後我都對B有D愧疚，所以我同佢都一直frd，frd frd下發現原來我同佢都幾夾，但可能我疑心太重，我一直覺得咁樣換來既友誼唔長久，我同佢都有一齊打機call玩，都有傾下計，不過我都係唔敢放開自己，坦坦白白面對佢。
我日夜擔憂既事終於發生，佢發現左我同我D frd係黃，我冇同佢講過我政治立場，但ig都可以發現到。咁佢就瘋狂_7我地，仲_埋冚家，話咩少少年紀唔讀書撐黑暴，撐黑暴唔係潮流，大個去做黑衣人呀，話我跟佢地遲早學壞。佢仲自爆自己係綠，但點都好，一睇佢既說話就知佢係籍著綠既身份做藍鬧黃，講到好了解依家香港時勢，但其實連綠先係被人屌得最慘既都唔知。佢夠少少年紀唔讀書撐黑警。
好對唔住因為我，我D frd被人屌冚家。佢仲問係邊到識依班人，我答佢小學。點知1:00am揾我問我邊間小學，我知道佢目的，但仍然問佢點解咁問，佢好蠢咁話係佢阿媽問既，我呢刻心諗今鋪玩完，直接揾個籍口唔理佢messages 。第二日我有個group project 同B一組，仲有一個同佢frd既C，B幫我地抄晒D內容，個個都多謝佢又話咩辛苦晒咁，我個時仲煩緊單嘢冇理到佢，咁佢就喺個WhatsApp group 問
:@xxx你做咩唔多謝我呀？
其實呢句說話真係正常到不得了，我同B之前都係咁成日鬥嘴，其他人都知道。C呢就見B咁樣問，竟然話
:你唔好唔開心啦
咁即係代表C都知道件事，而且C係企喺B個邊，總之就係B已經揚左件事出去。咁我見事情已經發展成咁既時候，為左自保，我都同阿媽講，阿媽叫我唔洗擔心，靜觀其變，佢唔會對我造成到威脅。
但我仍好擔心，我係依個班已經冇晒朋友，係咪我要求太高，個個都抖音化又藍又綠，想揾個淺黃既都咁難，眼見昔日既朋友一個一個揾到值得交心既，而我一直原地踏步，我冇可能一直拖住佢地唔放，但都接受唔到冇朋友。
sor for 1999
大家屌細力D，
初入中學真係唔識處事。
内容100%真實
跪求admin 出po