#NSS學業
[GUEST] 小妹好憎英文，但偏偏入左間英文中學。
小妹由細細個開始就唔鍾意英文，返幼稚園完全當係玩，冇點學過嘢，abc都係小一先學識。
後來，我入左間普普通通嘅小學，加上有補習，所以啲成績係學校入面都ok，但其實有幾次失手，都隱約睇得出啲英文差嘅隱患。
一切嘅轉捩點，就係我入左間band 1嘅英文中學。啲同學個個都係直升上嚟嘅，佢哋小學 學嘅英文本身就已經難過一般嘅學校，而且佢哋有啲其他嘅科目都係用英文讀，所以英文個底本身就會有優勢。而我本身英文就麻麻，入左間咁嘅中學，同其他人嘅差距自然就拉得好大。
學校啲卷比以前難左好多，個分數出到嚟，落差感好大，而身邊啲同事似乎並唔覺得份卷好難。
英文帶俾我嘅挫敗感，令我討厭英文；我對英文嘅討厭，令我唔想面對英文，想逃避佢，結果出到嚟個成績只會更差，帶俾我更加大嘅挫敗感，令我更加憎恨英文，但我又冇得唔學，一則DSE，二則社會及工作，三則國際語言。
我越係逼自己學英文，我就更加抗拒，我以前仲會聽吓英文歌，而我依家見到英文就想喊。