#NSS個人
[某band1中學] 小妹今年F2，有一個由小學到中學都同校嘅bff。 自問我對佢好真心， 成日都會幫佢，佢唔開心嘅時候會陪佢同埋安慰佢，佢對我嚟講好緊要，我好珍惜佢。
但我漸漸發現佢對我係忽冷忽熱，唔太真心。一直以來只有我幫助同安慰佢，佢好少咁對我。尤其係學業方面，佢由中一開始都唔想我成績好過佢，係都要同我鬥咁 (呢樣嘢都係我近排自己睇透咗)
今年我同佢同班，當初我真係好開心，仲諗住可以每日都同佢一齊玩一齊癲。但有多時候只有我主動去搵佢，佢唔會嚟搵我傾計，見佢同其他同學玩得好開心好癲，我好呷醋，因為我佔有欲都算強，但同時亦都勁sad。 話佢忽冷忽熱係因為佢一時同其他人玩，一時又搵我玩 (不過佢好多bff)
我喺學校冇咩好朋友 (普通frd係有六七個)。可能我比較怕醜同文靜，但真係好想喺中學識到兩三個bff(成日一齊嗰種)，可惜班上已經建立咗一個個小圈子，好難無啦啦融入佢哋。 試過想融入普通frd嘅圈子度，但好驚佢哋會覺得我無啦啦融入佢哋好奇怪。所以我喺學校有時都算係孤單，更何況我好驚孤獨。我曾經有同我bff講過我喺學校好少frd，如果佢真係有真心當我係佢bff，唔係應該陪我多d架，喺我有困難嘅時候幫助我咩？
佢最近好少約我，send msg俾佢一直都hea覆，甚至已讀不回。
好，用心對待一個人，卻不被看重。
有諗過慢慢遠離佢，但我唔捨得失去佢，因為我真心當佢係我好姐妹，同佢嘅性格都有七成相似，大家一齊有dead air都完全唔覺kam，相處得好舒服。加上失去佢，我就真係冇好朋友。
多謝你哋睇到呢度。我到底可以點做？ 同埋點樣先可以識到個新嘅好朋友😢🙏
圖Link: file:///storage/emulated/0/Download/images%20(1).jpeg