#NSS個人
[Guest] 純發洩🙃
我真係就嚟頂唔住la
今年升中五, 有嚴重濕疹超過十年, 搵唔到人同我傾, 喺度發洩下
我阿媽覺得我有濕疹自己攞嚟, 我已經食得好清, gluten egg lactose sugar 都盡量少食, 平時喺屋企負責煮飯, 調味盡量落少啲,煮自己食得嘅嘢, 但係我阿媽覺得我要全家就曬我, 但係我有時都會煮啲自己唔識得嘅嘢畀佢哋, 自問煮嘢食都唔差
因為隻手好痛所以唔可以幫手洗碗, 但係我每日都幫手煮飯摺衫, 佢又選擇性失明
其實我隻手掂到水都好痛,又多功課做,真係冇時間做家務, 但我都盡量盡自己嘅責任,最多夜晚遲啲瞓
前幾日畀佢見到我買咗包零食打算送畀friend, 佢就鬧我買咁多甜嘢食,濕疹都自己攞嚟
我平時戒口咁辛苦, 佢唔會care, 淨係覺得我食少少佢眼中唔好嘅嘢食就係死罪, 其實我都想做一日正常人, 食咩都得😥有時成家食緊薯片, 佢哋會同我講, 睇下自己啲皮膚嘅樣衰先啦, 自己搞到自己咁仲諗住食薯片？
我同佢講想做敏感測試igG test, 佢就鬧我嘥錢,話有醫生講test冇用
呢幾日佢已經鬧咗兩次,我同佢講我想自殺, 佢鬧我喊得咁大聲搞到周圍鄰居以為屋企有精神病人
小學俾人bully嗰陣, 佢關心到冇關心過我
細個畀家姐阿妹笑甩皮怪,佢都冇鬧佢哋
今日佢有個friend送一張書枱畀佢,佢迫我換咗張書枱,
但係我要執書, 搞到好痕, 佢就鬧我間屋唔係我嘅,佢想我點我就要點, 我鬧返佢轉頭佢就係咁鬧我態度差（呢句應該講咗十萬次）, 問平時係唔係對我太好🤷🏻♀️
因為沖涼好痛, 除咗返學我都盡量少出街, 佢見到我又覺得我污糟
因為成身都係傷口,喺屋企我都會著件風褸遮住, 但係佢覺得我成日著咁多件衫搞到要洗既衫多咗, 嘥曬啲水
平時有時著二手衫, 有時都會買啲新衫, 但係因為成身都係血, 所以有時都要買多幾件新衫, 但係佢又覺得係我亂洗錢
我張床褥五年冇換, 我已經每三日換床單, 但係都痕到痴線,佢就覺得換床褥嘥錢, 但係家姐阿妹上年換完
我夜晚成家瞓曬嗰陣偷偷地攞刀出嚟, 但係最後都唔敢落手
前幾排我考試壓力大, 免疫力下降, 搞到皰疹加金黃葡萄球菌感染, 入醫院住咗幾日, 佢又鬧我做乜啫唔搽類固醇搞到自己咁
出咗院佢強逼我搽類固醇（有上網做個research嘅人應該都知道類固醇好危險, 再加上我細個用咗好耐,斷斷續續咁用落去我驚會有TSW) 佢話如果我唔用嘅話佢以後唔會帶我睇醫生, 佢淨係信西醫講嘅嘢, 唔信我online做嘅research, 我有讀bio, 對人類身體嘅原理都有略懂一二, 但係佢就死都唔信我🤷🏻♀️梗係啦類固醇上癮關個醫生咩事啫？佢畀咗你之後佢都唔使負責ga la
總之佢嘅重點係, 所有嘢都係我自己攞嚟
我每日著住件冷衫返學, 除咗係驚畀其他同學睇到之外, 就係驚傷口會感染, 佢又鬧我每日焗住啲皮膚搞到自己咁, 課室有冷氣巴士又有冷氣, 我真係覺得冇問題😑
我努力讀書, 考試大壓力好正常, 做功課做到半夜都好正常, 佢又鬧我讀書搞到自己大壓力,啲濕疹咪爆曬出嚟囉…總之一句講曬所有嘢都係我嘅責任, 但係我一生出嚟就係咁,我有辦法咩？我已經好努力做改變,有用咩？
我知道情緒影響好大, 我知道我要開心, 但我真係做唔到, 每日一灘上張床, 啲眼淚就自己留落嚟, 我知道佢有時都好錫我, 但係佢成日將啲工作壓力發洩喺我身上, 隔日就鬧一次, 佢每日咁講搞到我都成日覺得有濕疹係自己嘅錯
我好攰呀, 我都想專心讀書, 我唔想每日都同佢嘈, 有咩方法可以令佢明白我嘅辛苦🙇🏻♀️