#NSS個人
[自己嘅心理問題＋無視要成習慣？] 我係一個13歲極度無安全感而且勁易喊嘅女仔。
由上年f1停課開始，經歷屋企嘅精神肆虐（lee 度我就唔講啦），我開始情緒超級唔穩定＋無安全感＋開始成熟。
我每日嘅感受就係日喜晚悲。 停課嗰陣時開始發生，到而家每晚都係咁。尤其係自己一個嘅時候會好攰好喪，覺得好無希望，變得講少左野。甚至仲覺得屋企根本唔係以前嘅屋企，係一個監獄。屋企人對我都 ok，但佢地鬧我鬧得太勁，我就會想爆。我亦唔想破壞我哋嘅關係，所以我選擇沉默（由細到大都係），之後收埋收埋就搞到個心勁唔舒服。我記性唔係好好，所以人地做錯嘅小事，我都會好快唔記得。但邊個對我長時間差，我會記得好清楚。嗰陣時已經想死，好彩我有班勁好嘅friend ，如果唔係我應該唔喺度。我試過同我阿媽講，但佢話只係青春期，所以唔須要睇醫生。當時我喊左，因為我真係鼓左超大嘅勇氣同佢講，而且阿爸信唔過所以我先搵佢講， 但最後換返嚟嘅，只係lee 個咁嘅答案。lee 件事令我對佢好失望，而且決定唔再同佢分享我D野。
近日我亦都發現一件令我超級唔開心嘅事，就係成日捭人無視，尤其喺 whatsapp 同人傾計。無論係同一個人定一個group ，講嘅野大部分都無人應。做專題嘅時候，我喺 whatsapp 提D組員有野要改，佢地又唔改又唔應，仲要次次都係咁。Projec 入面嗰D圖表做錯灑，我提左佢地改，又唔聽，但因為我唔識做，所以我改唔到。我只可以見死不救，直到而家都仲未改。
之後喺另一個group 入面，就算係多/少人講野，我永遠都只係做drama 後面嘅嗰棵樹，無人理我，各有各講。
可能會有人話好少事啫，但其實lee 種無視係由細到大都陪伴住我。我就開始少左講野、無自信心。lee 排仲為左 lee D 野煩惱、好迷茫，仲覺得捭人無視係咪要成為習慣。我想問下有無D咩方法可以幫到我，亦都多謝咁多位睇我 lee 篇嘢。🙇🏻♀️
圖Link: