#NSS愛情
[香港某某學校] 我係咪真係唔鍾意佢
唔係
尤其是而家停課，冇得返學校見面嘅時候
我每次同佢講嘢，問佢心情狀況或者叫佢唔開心就講出嚟。都好，換來嘅都剩係得一句「嗯」 或者emoji，當下真係有啲唔高興。
諗諗下又好似係，我又唔係佢邊個，我憑咩叫佢講出嚟，出邊有更加好嘅人選，何必要搵我講心事。
我承認我真係真係唔識開話題
同時間，無啦啦Send一啲post又好似好唐突。就會變咗一種
講完早晨就冇嘢可以講嘅局面。
呢段時間，我亦都花過時間、心機、精力去搵同埋理解佢嘅興趣、愛好。
但每次比我搵到，我都唔知講咩好。
每次同佢IG傾偈嗰陣，我都會好小心，好緊張，擔心我可能會搞到佢唔開心，會踩中地雷位
（p.s.佢有少少家庭狀況，或者以前愛情上誤以為人哋鍾意佢，呢兩樣搞到佢好容易就心態崩潰）
有一位共同朋友同我講過「其實佢對你都有好感，唔好咁輕易放棄，要堅持落去。」
但係咁嘅日子都已經過咗兩個禮拜，每日都係重蹈覆轍嘅劇情，亦都可能係因為我唔識開topic，冇話題可以傾落去。
我都真係攰啦，已經冇一個理由可以令到我繼續頂硬上。
應該點做（🙏🏻sorry for 1999🙏🏻)