#NSS學校
[港島某中文中學] 我個friend嘅細佬被人欺凌，事後我地諗住幫細佬討回公道卻被人鬧恐嚇⋯⋯
［港島某中文中學］
我個frd細佬=A、欺凌者=B、欺凌者阿哥=C
我個friend嘅細佬今年form 1，呢排佢識左個frd即是B，一開始佢地玩得還可以，但B講野勁惡毒，B因為同A玩遊戲有輸冇輸都會狂鬧A，其實frd互鬧係OK嘅，但B鬧得真係好惡毒，根本係詛咒嘅feel，B鬧啲嘢包括但唔限於：「你老母係唔係死左、你係唔係冇老母、你老母冇西⋯⋯」仲要開口埋口叫A狗公
B都唔單止只是鬧A，我同我班frd都被佢鬧過，個時候A同B關係還可，A就叫埋我地一齊打機，點知我地一入個通話，B就無啦啦鬧我地，diu我地老母，話我地係廢物，話冇課金唔配打機，至此，A已經唔想同B做frd。
A到後來都同B表達清楚唔希望再一齊玩，但是B越來越過分，佢不但止無端端send啲鬼片俾A嚇佢，仲要P佢個樣整相惡搞佢⋯⋯
A同B相處覺得好唔舒服，但佢平時又係個種唔是好識講野又唔識反抗嘅人，佢又鬧唔過B，A就只可以求助佢家姐亦即係我frd，我個frd個時聽到都真係好嬲
但是我個frd都仲keep住理智嘅，雖然話心痛，但是佢都唔想搞到件事太大，於是就帶埋A（佢細佬）一起去搵B講清楚，同佢講唔好再咁樣對A，如果唔係就會采取法律途徑，但是B完全冇悔改之心，點解我咁講呢？因為之後B嘅阿哥C就出場啦。
B將呢件事同左C（B嘅阿哥）講，C今年form 5，我地都以為佢應該會理智啲啦，點知完全冇，佢鬧我地話我地恐嚇佢細佬，仲話我地冇資格教B做人
Excuse me？？？real嘅？？？你咁都講得出？？？
C鬧完我地之後我地想去報警，但是最後冇成功，個阿頭話唔處理😅
我地真係冇辦法，C已經form 5，我地都驚佢會唔會係個啲MK仔，報左警都驚佢會報復，都慶幸而家網課緊，真心唔知返實體嘅時候點算囉⋯⋯
我寫呢篇文都係因為好激氣，呢啲人真是有病，都想問下大家遇到咁樣嘅情況應該點算，A最近已經越來越唔鍾意講嘢，真係唔知點算好⋯⋯