#NSS個人
[應該算傳統名女校:D] 見到好似一大段，其實唔知幾長，寫個長文預警，戴個頭盔先🪖。
自我介紹一下先，我今年中四，讀緊一間山上面嘅女校。我嘅男朋友係喺大陸都幾出名嘅celebrity，等等咪屌住。我唔係大陸、抖音L，佢都唔係無腦愛國L。但係喺中國做得celebrity，喺social media度要po愛國野就梗架啦。佢話其實大多數人嘅account都係由公司職員管理，大部份出嘅post都唔係自己出。(佢公司係咁，唔知其他係咪)拍愛國賑災短片都係為咗搵$，都冇乜人真係有愛國意識🤣(嗱，唔代表本人同其他愛國同袍嘅立場架😌🙌🏻)
我個樣 erm…說實話一般般，我都唔知點解佢會睇得上我，因為小妹我又唔識衣着打扮，又唔識化妝。反而佢真係超級超級靚仔。暫時嚟講我都未見過靚仔過佢嘅人(睇過素顏冇filter嘅相都係咁覺得⁄(⁄ ⁄ ⁄ω⁄ ⁄ ⁄)⁄)我地相遇嘅過程真係好奇妙，我都覺得自己係小說女主角😎
不過同得celebrity拍拖就預咗唔可以公開，同屋企人，best friend講都唔得。我個樣又唔係特別突出，喺女校冇拖拍都正常。所以其實我呢邊係冇人知道。不過佢有啲friend都知道嘅(公司其他celebrity+學校friend)有試過FaceTime嘅時候出嚟say Hello，佢哋都算好Nice(同埋靚仔🤫)，冇爆我哋大鑊😝。
反而佢啲私生真係好煩，由朝跟到尾，係咪真係冇自己生活🙂，聽佢講出去食飯、返宿舍都要提心吊膽，再三確認左冇人先可以log in private private account覆message。唉，點解唔好好學習同去搵屬於你哋嘅愛情呢。
隔離班有個好寸嘅同學(我唔太鍾意佢)好似都幾鍾意佢哋，仲成日話咩「哥哥」「老公」，識得佢哋之後，學校走廊經過個同學身邊都會莫名想笑，有啲虛榮、得戚嘅感覺(你個哥哥琴晚先嗲完我😌(小學雞行為🌚)
我本身係唔識佢嘅，更加唔係佢嘅fans，係因為一啲好奇妙嘅事所以先相識，跟住先發現佢係celebrity。其實接觸落，慢慢熟悉佢個人，就會發現佢同公司嘅人設完全唔同(因為同佢起埋一齊之後我有好似變態咁stock佢啲片🤪)佢都係一個普通人，好努力嘅一個人。佢都會有缺點，有唔好嘅一面，唔係好似螢幕前面咁完美(不過係真係好靚仔⁄(⁄ ⁄ ⁄ω⁄ ⁄ ⁄)⁄
你追嘅星可能其實真係冇你想像中咁耀眼，或者可能根本唔係咁嘅人。好自私咁講一句——有得揀，我真係寧願會希望佢個人，再除去celebrity嘅身分。佢唔講我都知，呢個圈真係好亂==(佢間公司應該都算同行裏面比較良心㗎啦)不過我都會支持佢所做嘅任何野，可能呢個就係愛(?😢🤍
說實話我哋一齊咁耐，冇真係face to face出街拍過拖。呢樣嘢我反而冇特別care。畢竟都係異地戀，佢喺大陸，我喺香港，雙方都有各自嘅學業、工作要兼顧。佢又要返公司訓練，學業又忙，仲有啲煩膠fans成日喺度追住。
我地相處比較多係send下message，打facetime傾計(呢個都比較少，唔安全之餘雙方語言不通，佢鏡頭下通常講自己家鄉方言，我普通話又💩)佢之前有為我學少少廣東話(深情樣講「我鍾意你」，真係頂唔住😳)
佢周不時送禮物俾我，隔兩三個禮拜就要搬勁大個包裹返屋企(集運)，屋企人仲以為我成日online shopping🤣。有時都會回禮返去，見到佢着住我送嘅衫selfie話咩多謝老婆(打呢句出嚟真係有啲羞恥😳😵💫)
可能有啲人未必會信，咁你就當超短篇小說咁睇啦。btw如果我真係小說裏面嘅女主角，希望我個作者可以俾個happy ending比我同男主角，我都知咁細個拍嘅拖都好難99，仲要係有身份加持。我唔想亦唔夠膽諗未來，我淨係知道我真係好愛對方，再一次自私咁唸，我真係好想停起呢一刻。
好多謝睇咗咁耐嘅你哋，我都係第一次投稿。因為呢度係匿名投稿，算係我唯一可以講下野嘅地方(其實唔係，佢係第一選擇😎，只係因為新年佢超忙，閑來無事我就嚟投稿了)
我嘅文筆應該都幾差下 講到1999 又中英夾雜，因為我覺得嗰啲位寫中文好怪😂 十分唔好意思，麻煩admin如果見到有文法唔順嘅地方幫手改改✍🏻 Thank youuu！同埋都知道下面comment可能會好mean，放心之前已請教佢點樣面對網友&留言區🤛🏻
ps celebrity 係指緊佢有可能係演員/idol/歌手/主持人 不過都唔好估了，亦希望呢個post淨係出現喺nss secret嘅ig，大家當筆友傾下計，唔好掀起咩大風浪，我仲想同佢99的🤣🤫