#NSS個人
[Guest] (長文慎入）小弟F.5 ，本身自己性格開朗，但最近有一件事搞到我好煩惱。
小弟本身係學校人際關係非常好，而當中有一個最好嘅朋友(下稱A，A本身冇乜朋友，經常俾人取笑，我更聽講人哋講佢九成九都係gay)Anyway , 小弟本身好鍾意同A一齊相處，冇事無刻成日都會諗起佢，即使佢有好多缺點，或者佢嘅性格令我相處得辛苦都好，我都唔介意。我唔知A當我係咩關係(可能係朋友，或者可能係情侶），但如果佢真係當我係果一種關係，我都唔介意佢。
好啦，背景講完入正題。小弟最近受到好多唔同人比嘅壓力。我自己壓力係關係上嘅壓力：喺朋友方面上，佢哋成日見到我同A一齊玩，因為我同A經常都會有身體接觸(我唔解釋），所以佢哋成日見到嘅時候都走過來問我係咪gay?係咪鍾意佢?，我次次比佢哋質問嘅時候我都好大壓力，唔知點算⋯⋯
屋企人都係一樣，每次我同我阿媽講我同A一齊出街玩嘅時候，我阿媽都會好大反應，仲好大聲同我講:「你明知我唔鍾意你同A一齊玩你篇係要」，有時佢成日都懷疑我真係彎，而且我阿哥更加煩，成日都問我係咪乜係咪麥，大佬我唔想講咪唔想講囉，點解篇係要逼我講？
其實你哋問我對A有咩感覺，我可以好誠實同你地講我的確有少少好感，我同A一齊相處時間過得好開心，有時我其他bro同A同時都想約我嘅時候，我都寧願想同A一齊。但係我而家真係好掙扎，有時我都懷疑過自己係咪真係gay。但我最驚就係，我驚阿媽恨手到要逼我同A拆散，唔准我同A喺埋一齊。有時我想反我阿媽，但係我唔敢，所以我都唔知點算？好迷惘⋯⋯希望大家可以俾啲意見，俾我知道我應該點做🙇🏻♂️