#NSS學校
[SAGC] 我相信一個良好嘅校園應該比學生健康嘅學習環境，而我哋學校正處於一個高壓並且令人擔憂嘅學習環境。由新任校長朱蓓蕾就職到現今每一條定立嘅規定與臨時嘅決定冇一項喺有問過學生同家長嘅意見，每次都以先斬後奏嘅方式呈現。呢種方式只會令學生倍感壓力與巨大嘅無力感，同時老師對於種種都需要出心出力不停頻撲，而校長你就只需要一句說話。高層嘅決定將個波拋俾老師，老師抛畀學生，成為一個死循環。咁樣嘅學校係唔會進步，只會不斷退步，而且校風同學習風氣越嚟越壞。
問題一 校方做任何決定都唔會問學生與家長
一間學校嘅經營唔係淨係由校方去做，而係校方、學生同家長。學校好多規則、決定由校方單方法定立，從來唔會過問他人令校園成為一個「君主專制」嘅地方，而且呢個行為十分唔尊重他人人權。
問題二 不斷臨時削減學生與老師假期
校方一聲令下，各方面就要為此奔波，但可能「你」就只係寫緊報告比教育局。就例如今次你決定提早考試，跟唔上進度嘅學生就要補課冇咗個假期，老師都要為此放棄休息嘅時間。
問題三 對於今次提早考試
首先我希望提早考試前提下唔係我哋假期會俾你削減哂先，今次假期有13日2021年02月10日至2月22日，中一到中二要考十二份卷、中三有十一份卷請問校方你覺得學生係咪「超人」？中四至中五更加唔使講成績比分更重、更為重要，甚至影響未來。我哋少咗九日時間溫書但考嘅科目唔會減少，而且我哋唔夠時間溫考出嚟就係咁，你甘心咩？
問題四 校方嘅不負責
我認為學校唔應該將一個要受教課堂嘅老師拉去開會，最後要處理跟唔上進度呢件事都係要交俾老師同學生。而且今次學校為咗畀個交代上面作出嘅決定，根本就漠視學生同老師嘅意願，完全就係行一個流程嘅感覺。另外今次呢個決定我相信會影響咗好多學生，而「你」淨係坐喺度收錢。
1.我希望校方可以推遲返個考試
2.校方可以進行教育改革
3.校方可吸取教訓，詢問各方意見，尊重任何人。
4.校方高層向各方面道歉並與各方面人士討論得出改善方案。
今次為咗畀個交代咁已經失去咗教育嘅意義，當一日考兩科、削減假期、假期補課、morning test、「君主專制」係呢個高壓環境下長大已變成常態，你哋會想一直咁落去定喺要校方改變？
我希望各位可以寫家長信、打電話返嚟反應，都可以好似我咁，希望校長唔再喺一個有媒體先道歉嘅人。
我知道我文筆未必好會有錯字，如果你都受夠呢個學校我希望你都可以發聲。
圖Link: https://ibb.co/XVBvs51