#NSS家庭
[GUEST] 想問下大家家長係咪都係咁？定得我係咁？
小妹今年13, 就同阿爸阿媽一齊住
佢兩位平時都要番工, 咁佢地份工都幾易攰, 咁自然個人就會燥啲
但係阿媽平時一放工番嚟就會喺度嘈, 又突登搵嘢嚟鬧錯去放大睇, 跟住好大聲咁鬧
仲有無啦啦鬧我成績差, 又話咩咁樣入唔到大學(我自問成績唔錯, 一直keep到喺中間位
其實我明佢番工係辛苦, 但唔代表可以隨便發洩喺我身上, 仲要係我無錯嘅情況下
老豆就好啲, 冇亂發脾氣, 但係就成日煩住我
咩事都問一餐, 好似唔煩死我唔心息咁
跟住今日都一樣, 我忍住唔理佢, 以為唔理佢就會停, 結果佢竟然話:「你係咪聾咗？我講左咁耐都唔應我一句 有冇諗過我幾大壓力？」
聽到呢句我即刻爆發 就同佢講:「你估得你有壓力？我番學都有壓力㗎 唔好成日用你番工考理由 諗下我感受好冇？」
其實點解佢地會覺得得自己番工先有壓力？
現代學生本身已經唔易做, 有時比啲垃圾老師煩得多都炆
佢地仲覺得淨係比老師嘈幾句無乜嘢, 使幾廿份功課都無乜嘢？
佢地跟本冇理過我感受, 其實我都忍咗阿媽好耐, 但係次次鬧完我就走入房, 我根本冇講嘢嘅空間
我上嚟淨係想發洩下