#NSS個人
[guest] (plz post to ig.thx)
係咁嘅，我係某一篇post入邊果個x。我係send咗一啲相出嚟。而係張相入邊，我只係露出我自己嘅樣。以我平時嘅穿著的確係比較成熟。但係我父母都係認同我嘅穿著。我唔明白連我父母都認同嘅穿著竟然被一個同我同級並且互不認識嘅人去評論。我認為嗰啲相無傷大雅。亦都唔係好似嗰個人咁樣講露咗好多出嚟。
亦都唔係你哋所講嘅姣。而嗰個人係我嘅post底下講出調侃我身材嘅嘢。我覺得好唔被尊重。喺學校都有唔同嘅人用異樣的眼光去望我。喺事發之後，仲要第一時間唔承認自己的錯誤，同我講佢係其他學校嘅人。
大家都唔係小朋友，係中學生。尊重人呢樣嘢應該大家都識。做某一件事之前，應該知道自己嘅行為會帶來咩結果。而我都唔會好似你哋咁樣講嘅縮生。我已經同老師反映左。老師已經喺度跟進緊件事。我認為po咩相係我自己嘅自由，你講咩都係你嘅自由，但係麻煩都尊重一下人地。至於最後你自己承受嘅後果都係因為你自己所做嘅一切。