#NSS愛情
[Guest] Pls po Ig🙏🏻 Thx admin !希望唔好過濾🙏🏻🙏🏻小長文 純分享。小妹今年15歲，好莫名其妙咁，我鍾意咗一個老師，佢大我8年，但係相比其他師生戀我覺得已經唔算相差太多。佢嗰份幽默感同埋其他嘅性格，例如開下玩笑，平時傾偈好chill 好Relax感覺，我都覺得好鍾意。我為咗吸引佢嘅注意，喺佢個科考得好好。我本身係唔擅長數學，但係愛情係萬能，我first term考到全級頭20。自從我確定咗我鍾意佢之後，我就變得好主動，係唔係都WhatsApp佢問佢功課，有時候就八卦下咁。小小事都可以好傷心或者好開心，已經可以左右我情緒。有時好唔開心，因為可能喺佢心目中，我只係一個好普通嘅學生，佢有時嘅忽略或者無視都令我好唔開心；但係會因為佢一句關心而好開心，就比如我同佢講早唞，佢同我講返早唞。我做咗好多事令佢注意我，我甚至已經買好咗生日禮物，今日送咗比佢！送嗰陣我盡量顯得自己冷淡啲，冇咁明顯（淆底）。而家學期尾啦，咁就過咗一個學年。真係好唔鍾意呢個疫情，又冇運動會又冇聖誕party，都仲未試過喺學校食lunch，有好多好多都錯過晒。我而家淨係希望時間過得慢啲，等我可以有更加多嘅相處機會，我會好好珍惜呢段日子。當然我曾經有幻想過我可以同佢一齊，幻想我夠膽同佢表白，但係怕換嚟嘅可能只係失望或者係我嘅痴心妄想。其實我都知道佢最鍾意嘅學生唔係我（我覺得）我都唔係最特別嗰個，我只係一個普普通通，成績比較好少少嘅學生。加上我哋冇可能，但我希望可以唔留遺憾咁過埋呢一個六月。希望我second term 考到好成績！可能有錯字 sor and sor for 1999