#長文慎入
小妹今年中三，身邊好多朋友都有追星，而我都唔例外，但最近有樣野煩咗好耐。。
事關小六嗰陣周圍啲同學已經追星，但嗰陣我屋企人管得較嚴又着緊成績，連我同朋友單獨出街一陣同埋聽歌都唔比。我唔想老豆成日話阿媽教唔好我所以我冇再出聲要出街，連歌都係趁佢地唔係到而偷偷地聽，令到我到而家都係睇住眼色偷偷追星。
升咗上中學我自由咗好多，佢地態度都好咗好多。以前唔比我做嘅我而家都做得，我會係佢地面前播歌不過我仲係唔敢比佢地知我追星，更何況同佢講想買專同去演唱會😔
望住身邊追星嘅朋友可以隨心所欲買週邊睇con 我都係要忍住係屋企偷偷地睇stage。
近排有咗疫情後想睇con 同埋平時買專嘅諗法，但我仲係唔夠膽踏出第一步同屋企人商量，想試下係佢地面前追星比佢地知但又有啲怯。阿媽係有啲固執嗰類，一 say no 就未必可以再傾咁滯，而且可能會覺得追星浪費時間同錢。但我真係好想好似其他人咁追星而唔係淨係刷音源，我應該點做好？
#sorryfor1999