因為冇地方發放負能量，唯有係度發放。
小弟f.4 , 15歲。
夜晚訓唔到真係好攰，我都控制唔到，因為我太多嘢唸。我身邊太多嘢煩，呢兩年我越嚟越癡線，無啦啦流眼淚，突然大聲叫、怒吼，有時眼神空洞，因為我承受力差囉。
呢兩年我自己各方面都大受影響，人地問我搞咩，我解釋完人地又唔明，因為我表達能力差，平時好少講嘢嘅，我都冇朋友嘅，屋企人或者其他人同我講嘢，我通常會一字帶過「哦」，全部嘢喺個腦度進行對話㗎，即係自己同自己講嘢囉。
跟著落嚟就係我嘅煩嘢。
1.我成日訓唔到教，有時會訓係度望住天花板等天光，我會感受到心臟跳得好快，又唔知咩事，呢種狀況持續咗好耐，第二日呢就上唔到堂，因為真係要好攰好攰先訓到。
2.上年10月嘅時候，我同阿媽講有一隻股有潛力，冇錯，我得閒嘅時候會研究下股票，買嗰隻啦，佢話：「睬你都傻！」，依家嗰隻股升咗3倍，我又錯失咗個機會啦。
3.我唔係唔想學習，讀書唔係我想要嘅學習，無拘無束嘅學習先係最好嘅學習，冇分數、冇基因良好嘅人。
4.世界幾時會變得清靜啊？人聲真係好嘈，如果世界淨低我一個人，我會好快樂。
5.細個被人欺凌嘅我，已經變到無情，我想像唔到人地被人打被人恰，我會有同情既感覺。別人痛苦讓我微笑，睇黎我已經徹底變咗冷血嘅機器。
6.一個月前，我為咗更持久，我開口同爸媽講我自願去割包皮，反而依家射唔出，我又行錯一步棋。
7.自由同秩序要達到完美平衡嘅話，呢個世界需要一場戰爭，人類就會醒覺，我相信係我仲在生嘅時候一定會發生。至於去邊度好？我未唸好。
8.正所謂「有性先有愛」，就算啱啱好平均值又粗，都滿足唔到大眾需求，我唔值得有被愛同愛人嘅渴望。
9.阿爸阿媽、老師、同學個個都睇死我，我揀得呢條路，預咗一定冇得返轉頭，我一定要證明佢地係錯，最大的風險我都唸過，有風險先有回報，我有廿年青春，博到就博。
10.我想快D畢業走離開間學校，我都唔會繼續讀落去，我憎讀書，但我鍾意學習，大學生氾濫令競爭更加大，唔係最好嘅選擇。比起做一個朝9晚6，月入幾萬嘅社畜，我更堅定自己嘅選擇。
11.我明白家人對我嘅愛，但家庭係種束縛，同佢哋喺同一個空間，我覺得好唔舒服，點樣盡孝又擺脫佢哋？
12.屋企黎咗隻貓，佢喺我唯一嘅精神寄託，如果佢聽得明我講咩咪幾好。
13.我一直想有個人主動安慰同關心我，咁樣令我仍然覺得自己係存在，而且隨時依靠住佢。
14.我曾經遇過一個令我sing 嘅女仔，基因話俾我知「就係佢啦」，作為大眾都認為「射手係外向、健談」嘅人，好可惜我完全相反，我冇行過同佢講嘢，我真係一舊無人見到嘅垃圾，從此之後我冇再遇過令我sing嘅女仔。
15.我已經冇任何動力繼續讀書啦，烏龜無力再爬啦。
16.我一直冇朋友嘅原因因為我唔似佢哋，依家好多同我同年嘅又飲酒又食煙，成身潮牌靚衫，有另一半，有扑嘢，有公子樣。我曾經試過一次飲酒食煙，係，的飲酒食煙嗰下真係好鬼爽，不過我嗰次之後就脱離咗。我一年四季都喺白T短褲，基本上冇人肯望我一眼。佢哋拍緊拖，我就思考緊點樣創造被動式收入。
17.我的確有D迷信，我都半信半疑命運係整定㗎。
18.”Nothing is true, everything is permitted”我對呢句話嘅理解：沒有任何事物係絕對嘅，要以和平的方式做任何事。前後到底有咩關聯？
19.我呢世人最憎人地話我「發緊夢」，我對呢個詞語超級敏感，聽到就想打人。
20.教練推我上去做最Top，但我唔想單一發展，我想學其他運動，我想挑戰人類極限，但唸緊點講好。
21.為咗追求財富同權力，我願意放棄朋友（雖然我冇），都可以放低自己原則，因為呢條路係我揀㗎。
我內心太多矛盾，真係好煩，最後想講句，花卡 my life 。