#NSS愛情
[Guest] 既然我唔理我地係兩個男仔，我仲介意男友身家做咩？小弟係個比較傳統嘅家庭出世，呢排因緣際會之下識到個男仔。我係都算名校，band1頭度讀，身邊朋友都比較有錢，好多去外國讀書，住嘅都係1，2千萬私樓起跳。我屋企嘅身家都唔小，都有成二三千萬。（其實我唔知total但係我爭係計我見過同可能會繼承比我嘅樓）但係我鍾意左個男仔，住某貧窮地區公屋，讀D band2尾學校，家庭賺錢少過兩萬，又係新移民（雖然我識佢嗰陣完全唔覺，佢個人同香港人無分別）但係佢又玩得好癲，講D鹹濕野，可能有飲酒，去D恐怖地方，總之就好亂。我個前度之前對我講分手，我地之前青梅竹馬，做最壞嘅野都只係坐大脾同鍚一下，我地同一間學校，始終佢條件都幾好，住係港島傳統豪宅區，條件好過新嗰個好多。拍拖絕對唔係講有無錢，係咩性別，如果理呢D野咁我絕對唔係真心愛一個人。但係我好驚我會唔會有危險，唔係想歧視，我知我好離地，但係我驚佢係壞人，judge人用呢啲方法又好差，咁我都要保護自己，點算，我啊媽又成日叫我識D學校嘅人先有前途，因為同學有D真係超級有錢，屋企成間house，維港景一大堆，而我啊媽以前白手興家，係D窮困屋村大，好努力先改變到，如果比佢知我同我男友拍拖，佢一定唔鍾意，覺得咁辛苦比我入名校，我又同D比較複雜嘅人一齊，咁我要點做，我驚我會學壞，求各位意見🙏🏼 我應該打錯好多字，但係我依家我好急想知點算，所以唔該唔好搞到所有人都focus係嗰度🙏🏼「就是純熟愛，不理對或錯？」