#NSS愛情
[TKO ] 鍾意咗一個人🤭
是咁的，小妹近呢幾個月鍾意咗一個同班女仔，（冇錯係同性戀😶，你地覺得有冇問題？）之前冇試過同佢一班同埋只係見到面講一兩句嘢咁，係今年先同佢一班，為咗可以接近佢我比平時更加主動搵佢同埋講嘢，終於佢有幾次會主動搵我😶，有時我同佢加另一個同學講嘢，因為始終我都係今年先同佢一班，佢同另一個同學多嘢講過同我講係正常，我都會自己彈開，入唔到個話題。
我覺得佢好有魅力，落堂嘅時候會特登等埋佢，有時會唔敢同佢講嘢😂想同佢放學但係因為佢好多嘢做，有時唔得閒、有時同朋友放，最後都冇，因為佢住嘅地方同學校都近，所以佢幾遲走都比我仲有時間返屋企上堂，有個friend講話佢係鍾意女仔但佢話唔肯定係咪真，見到佢同其他同學有偈傾，我就有啲妒忌😂🥲，暗戀都真係幾辛苦，我有諗過學期尾先同佢講我對佢嘅感覺。（純粹分享，唔好屌🥲😂🙏🏻）
Sorry for 1999
Thanksssss admins 想po ig 希望抽中🙏🏻